כי תבוא חכמה בלבך ודעת לנפשך ינעם׃

דרכיה דרכי נעם וכל נתיבותיה שלום׃

אכל בני דבש כי טוב ונפת מתוק על חכך׃

כן דעה חכמה לנפשך אם מצאת ויש אחרית ותקותך לא תכרת׃

הנחמדים מזהב ומפז רב ומתוקים מדבש ונפת צופים׃

מה נמלצו לחכי אמרתך מדבש לפי׃

נחלתי עדותיך לעולם כי ששון לבי המה׃

שש אנכי על אמרתך כמוצא שלל רב׃

נמצאו דבריך ואכלם ויהי דבריך לי לששון ולשמחת לבבי כי נקרא שמך עלי יהוה אלהי צבאות׃

כי מלתי מלים הציקתני רוח בטני׃

הנה בטני כיין לא יפתח כאבות חדשים יבקע׃

המאמין בי כדבר הכתוב מבטנו ינהרו נהרי מים חיים׃

שמעו כי נגידים אדבר ומפתח שפתי מישרים׃

בשפתי נבון תמצא חכמה ושבט לגו חסר לב׃

שפתי צדיק ירעו רבים ואוילים בחסר לב ימותו׃

שפתי חכמים יזרו דעת ולב כסילים לא כן׃

לחכם לב יקרא נבון ומתק שפתים יסיף לקח׃

תפוחי זהב במשכיות כסף דבר דבר על אפניו׃

בשפתי ספרתי כל משפטי פיך׃

תבענה שפתי תהלה כי תלמדני חקיך׃

כי שפתי כהן ישמרו דעת ותורה יבקשו מפיהו כי מלאך יהוה צבאות הוא׃

לכן נקריב על ידו בכל עת זבח תודה לאלהים היא פרי שפתים המודות לשמו׃