להקשיב לחכמה אזנך תטה לבך לתבונה׃

אם תבקשנה ככסף וכמטמונים תחפשנה׃

בני לחכמתי הקשיבה לתבונתי הט אזנך׃

לשמר מזמות ודעת שפתיך ינצרו׃

לקחת מוסר השכל צדק ומשפט ומישרים׃

בני תורתי אל תשכח ומצותי יצר לבך׃

וירני ויאמר לי יתמך דברי לבך שמר מצותי וחיה׃

אל תעזבה ותשמרך אהבה ותצרך׃

סלסלה ותרוממך תכבדך כי תחבקנה׃

שמעו מוסר וחכמו ואל תפרעו׃

אשרי אדם שמע לי לשקד על דלתתי יום יום לשמר מזוזת פתחי׃

הטו אזנכם ולכו אלי שמעו ותחי נפשכם ואכרתה לכם ברית עולם חסדי דוד הנאמנים׃

עודנו מדבר והנה ענן אור הצל עליהם והנה קול מתוך הענן אמר זה בני ידידי אשר רציתי בו אליו תשמעון׃

הביאה למוסר לבך ואזנך לאמרי דעת׃

למנות ימינו כן הודע ונבא לבב חכמה׃

סבותי אני ולבי לדעת ולתור ובקש חכמה וחשבון ולדעת רשע כסל והסכלות הוללות׃

את כל זה ראיתי ונתון את לבי לכל מעשה אשר נעשה תחת השמש עת אשר שלט האדם באדם לרע לו׃

כאשר נתתי את לבי לדעת חכמה ולראות את הענין אשר נעשה על הארץ כי גם ביום ובלילה שנה בעיניו איננו ראה׃