Actes 20:33-35
33
לא חמדתי כסף איש או זהבו או לבושו׃
34
ואתם ידעתם כי ידי אלה עבדו בעד צרכי ובעד צרכי ההלכים אתי׃
35
ובכל הראיתי אתכם כי כן עלינו לעמל ולתמך את החלשים ולזכר את דברי האדון ישוע כי הוא אמר טוב אשר תתן משתקח׃
1 Thessaloniciens 2:5-9
5
כי מעולם לא דברנו בשפת חלקות כאשר ידעתם וגם לא למען בצע בצע האלהים עד׃
6
גם לא בקשנו מן האדם כבוד לא מכם ולא מאחרים אף כי היה לנו מקום להתכבד כשליחי המשיח׃
7
אבל הלכנו לאט בתוככם כאמנת מפנקת את בניה׃
8
ובחבבנו ככה אתכם חפצנו לתת לכם לא לבד את בשורת האלהים כי גם את נפשתינו יען כי הייתם חביבים עלינו׃
9
הלא תזכרו אחי את יגיעתנו ואת תלאתנו אשר היינו עמלים לילה ויומם לבלתי היות למשא לאיש בבשרנו בקרבכם את בשורת האלהים׃
Psaumes 37:26
כל היום חונן ומלוה וזרעו לברכה׃
Psaumes 112:9
פזר נתן לאביונים צדקתו עמדת לעד קרנו תרום בכבוד׃
Luc 6:30-36
30
וכל השאל ממך תן לו והלקח את אשר לך אל תשאל מאתו׃
31
וכאשר תחפצו כי יעשו לכם בני האדם כן תעשו להם גם אתם׃
32
ואם תאהבו את אהביכם מה הוא חסדכם כי גם החטאים אהבים את אהביהם׃
33
ואם תיטיבו למטיביכם מה הוא חסדכם גם החטאים יעשו כן׃
34
ואם תלוו את האנשים אשר תקוו לקבל מהם מה הוא חסדכם גם החטאים מלוים את החטאים למען יושב להם בשוה׃
35
אבל אהבו את איביכם והיטיבו והלוו מבלי תוחלת ויהי שכרכם רב והייתם בני עליון כי טוב הוא גם לשכחי טובה ולרעים׃
36
לכן היו רחמנים כאשר גם אביכם רחום הוא׃
Actes 20:35
ובכל הראיתי אתכם כי כן עלינו לעמל ולתמך את החלשים ולזכר את דברי האדון ישוע כי הוא אמר טוב אשר תתן משתקח׃
2 Corinthiens 8:7-9
7
אבל כאשר הותרתם בכל באמונה ובדבור ובדעת ובכל זריזות ובאהבתכם אתנו כן גם תותירו בחסד הזה׃
8
ואינני אמר זאת בדרך צווי כי אם לבחן על ידי זריזות אחרים גם את אמתת אהבתכם׃
9
כי ידעים אתם את חסד אדנינו ישוע המשיח כי בהיותו עשיר נעשה רש בעבורכם למען תעשירו על ידי רישו׃
2 Corinthiens 9:9-14
9
ככתוב פזר נתן לאביונים צדקתו עמדת לעד׃
10
והנתן זרע לזרע ולחם לאכל יתן וירבה את זרעכם ויפריא תנובות צדקתכם׃
11
למען תעשירו בכל לכל התמימות הפעלת תודה לאלהים על ידינו׃
12
כי שרות העבודה הזאת לא לבד ימלא את מחסרי הקדושים כי גם יודו רבים לאלהים בשרותכם הנאמן הזה׃
13
ויכבדו את האלהים על משמעת הודאתכם לבשורת המשיח ועל תמת התחברותכם אליהם ואל כלם׃
14
והם בהתחננם בעדכם נכספים לכם בעבור חסד האלהים אשר גבר עליכם׃