מזרה רשעים מלך חכם וישב עליהם אופן׃

תועבת מלכים עשות רשע כי בצדקה יכון כסא׃

מלך שופט באמת דלים כסאו לעד יכון׃

ויאמרו אנשי דוד אליו הנה אנחנו פה ביהודה יראים ואף כי נלך קעלה אל מערכות פלשתים׃

ויוסף עוד דוד לשאל ביהוה ויענהו יהוה ויאמר קום רד קעילה כי אני נתן את פלשתים בידך׃

וכאור בקר יזרח שמש בקר לא עבות מנגה ממטר דשא מארץ׃

ישפט עניי עם יושיע לבני אביון וידכא עושק׃

כי הנה איביך יהוה כי הנה איביך יאבדו יתפרדו כל פעלי און׃

ועז מלך משפט אהב אתה כוננת מישרים משפט וצדקה ביעקב אתה עשית׃

עיני בנאמני ארץ לשבת עמדי הלך בדרך תמים הוא ישרתני׃

לבקרים אצמית כל רשעי ארץ להכרית מעיר יהוה כל פעלי און׃

הן לצדק ימלך מלך ולשרים למשפט ישרו׃