הפכפך דרך איש וזר וזך ישר פעלו׃

אולת קשורה בלב נער שבט מוסר ירחיקנה ממנו׃

הן בעוון חוללתי ובחטא יחמתני אמי׃

זרו רשעים מרחם תעו מבטן דברי כזב׃

הכר תכירו אותם בפריהם היאספו ענבים מן הקצים או תאנים מן הברקנים׃

כי גדול יהיה לפני יהוה ויין ושכר לא ישתה ורוח הקדש ימלא בעודנו בבטן אמו׃

וישימו כל השמעים אל לבם לאמר מה אפוא יהיה הילד הזה ויד יהוה היתה עמו׃

ויהי אחרי שלשת ימים וימצאהו במקדש ישב בתוך המורים שמע אליהם ושאל אתם׃

וכל השמעים אליו השתוממו על שכלו ועל תשובתיו׃

כי עץ טוב איננו עשה פרי משחת וגם עץ משחת איננו עשה פרי טוב׃

כי כל עץ נכר בפריו כי אין אספים תאנים מן הקצים אף אין בצרים ענב מן הסנה׃