עד שקרים לא ינקה ויפיח כזבים יאבד׃

יפיח כזבים עד שקר ומשלח מדנים בין אחים׃

עד כזבים יאבד ואיש שומע לנצח ידבר׃

לא תשא שמע שוא אל תשת ידך עם רשע להית עד חמס׃

כי יקום עד חמס באיש לענות בו סרה׃

ודרשו השפטים היטב והנה עד שקר העד שקר ענה באחיו׃

והנשארים ישמעו ויראו ולא יספו לעשות עוד כדבר הרע הזה בקרבך׃

מה יתן לך ומה יסיף לך לשון רמיה׃

חצי גבור שנונים עם גחלי רתמים׃

ואמר מלכא והיתיו גבריא אלך די אכלו קרצוהי די דניאל ולגב אריותא רמו אנון בניהון ונשיהון ולא מטו לארעית גבא עד די שלטו בהון אריותא וכל גרמיהון הדקו׃

לא תשא את שם יהוה אלהיך לשוא כי לא ינקה יהוה את אשר ישא את שמו לשוא׃

ועתה אל תנקהו כי איש חכם אתה וידעת את אשר תעשה לו והורדת את שיבתו בדם שאול׃