אם ללצים הוא יליץ ולעניים יתן חן׃

אם חכמת חכמת לך ולצת לבדך תשא׃

ועתה אל תתלוצצו פן יחזקו מוסריכם כי כלה ונחרצה שמעתי מאת אדני יהוה צבאות על כל הארץ׃

כי אפס עריץ וכלה לץ ונכרתו כל שקדי און׃

לכן השמרו לכם פן יבוא עליכם הנאמר בנביאים׃

ראו בגדים והתמהו ושמו כי פעל פעל אני בימיכם פעל אשר לא תאמינו כי יספר לכם׃

ודעו זאת לכם ראשנה כי באחרית הימים יבאו לצים ההלכים אחרי תאות נפשם ויתלוצצו לאמר׃

ונסתר מהם באשר לא יאבו לדעת כי מקדם קמו השמים והארץ בדבר אלהים מן המים ועל ידי המים׃

גם השמים והארץ אשר לפנינו נצפנו בדברו והם שמורים לאש ליום הדין ואבד אנשי הרשע׃

הולך אחריה פתאם כשור אל טבח יבוא וכעכס אל מוסר אויל׃

בשפתי נבון תמצא חכמה ושבט לגו חסר לב׃

תחת גערה במבין מהכות כסיל מאה׃

שוט לסוס מתג לחמור ושבט לגו כסילים׃

כי את אשר יאהב יהוה יוכיח יכאב את בן ירצה׃