ויקם איוב ויקרע את מעלו ויגז את ראשו ויפל ארצה וישתחו׃

ויאמר ערם יצתי מבטן אמי וערם אשוב שמה יהוה נתן ויהוה לקח יהי שם יהוה מברך׃

ויצא השטן מאת פני יהוה ויך את איוב בשחין רע מכף רגלו עד קדקדו׃

ותאמר לו אשתו עדך מחזיק בתמתך ברך אלהים ומת׃

הרפא לשבורי לב ומחבש לעצבותם׃

ולא זאת בלבד כי אף נתהלל בצרות יען אשר ידענו כי הצרה מביאה לידי סבלנות׃

והתקוה היא לא תביש כי הוצק בלבבנו אהבת אל על ידי רוח הקדש הנתן לנו׃

מי יפרידנו מאהבת המשיח הצרה או מצוקה או משטמה או רעב אם עריה או סכנה או חרב׃

אבל בכל אלה גברנו מאד על ידי האהב אתנו׃

כי זאת היא תהלתנו עדות לבבנו אשר בתם וישר אלהים התהלכנו בעולם וביותר אתכם ולא בחכמת הבשר כי אם בחסד אלהים׃

ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח׃

לכן רצתה נפשי בחלשות ובחרפות ובצרות וברדיפות ובמצוקות בעד המשיח כי כאשר חלשתי אז גבור אני׃

אך לשמחה חשבו לכם אחי כאשר תבאו בנסינות שונים׃

אשר בה תגילו אתם המתעצבים עתה מעט לפי הצרך במסת שנות׃

לב שמח ייטב גהה ורוח נכאה תיבש גרם׃

כי חצי שדי עמדי אשר חמתם שתה רוחי בעותי אלוה יערכוני׃

וחתתני בחלמות ומחזינות תבעתני׃

ותבחר מחנק נפשי מות מעצמותי׃

אם רשעתי אללי לי וצדקתי לא אשא ראשי שבע קלון וראה עניי׃

תחדש עדיך נגדי ותרב כעשך עמדי חליפות וצבא עמי׃

מה בצע בדמי ברדתי אל שחת היודך עפר היגיד אמתך׃

שמע יהוה וחנני יהוה היה עזר לי׃

כי החרשתי בלו עצמי בשאגתי כל היום׃

כי יומם ולילה תכבד עלי ידך נהפך לשדי בחרבני קיץ סלה׃

כי חציך נחתו בי ותנחת עלי ידך׃

כי עונתי עברו ראשי כמשא כבד יכבדו ממני׃

ברצח בעצמותי חרפוני צוררי באמרם אלי כל היום איה אלהיך׃

מה תשתוחחי נפשי ומה תהמי עלי הוחילי לאלהים כי עוד אודנו ישועת פני ואלהי׃

מקול אויב מפני עקת רשע כי ימיטו עלי און ובאף ישטמוני׃

יראה ורעד יבא בי ותכסני פלצות׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

אזכרה אלהים ואהמיה אשיחה ותתעטף רוחי סלה׃

למה יהוה תזנח נפשי תסתיר פניך ממני׃

עלי עברו חרוניך בעותיך צמתותני׃

כי עני ואביון אנכי ולבי חלל בקרבי׃

ויקח אתו את פטרוס ואת יעקב ואת יוחנן ויחל להשמים ולמוג׃

ויאמר אליהם נפשי מרה לי עד מות עמדו פה ושקדו׃

ועתה להפך תסלחו ותנחמו כדי שלא יתבלע האיש בגדל העצבון׃