כשחוק לכסיל עשות זמה וחכמה לאיש תבונה׃

אולים יליץ אשם ובין ישרים רצון׃

כמתלהלה הירה זקים חצים ומות׃

כן איש רמה את רעהו ואמר הלא משחק אני׃

בז לרעהו חסר לב ואיש תבונות יחריש׃

חכם ירא וסר מרע וכסיל מתעבר ובוטח׃

ויאמר לאדם הן יראת אדני היא חכמה וסור מרע בינה׃

ראשית חכמה יראת יהוה שכל טוב לכל עשיהם תהלתו עמדת לעד׃

ועתה ראו והזהרו להתהלך לא ככסילים כי אם כחכמים׃

מי בכם חכם ונבון יראה בדרכו הטובה את מעשיו בענות החכמה׃