אז תבין צדק ומשפט ומישרים כל מעגל טוב׃

בארח צדקה אהלך בתוך נתיבות משפט׃

ראשית חכמה יראת יהוה שכל טוב לכל עשיהם תהלתו עמדת לעד׃

אחלי יכנו דרכי לשמר חקיך׃

הבינני ואצרה תורתך ואשמרנה בכל לב׃

הדריכני בנתיב מצותיך כי בו חפצתי׃

ידיך עשוני ויכוננוני הבינני ואלמדה מצותיך׃

השמיעני בבקר חסדך כי בך בטחתי הודיעני דרך זו אלך כי אליך נשאתי נפשי׃

על כן אל תהיו חסרי דעת כי אם מבינים לדעת מה הוא רצון אדנינו׃

בעבור זאת גם אנחנו למן היום אשר שמענוה לא חדלנו להתפלל בעדכם ולבקש שתמלאו דעת רצון האלהים בכל חכמה ותבונה רוחנית׃

להתהלך כטוב בעיני האדון וככל רצונו ולעשות פרי בכל מעשה טוב ולרבות בדעת אלהים׃

ומנעוריך ידעת את כתבי הקדש היכלים להחכימך אל הישועה על ידי האמונה במשיח ישוע׃

למען אשר יהיה איש האלהים תמים ומהיר לכל מעשה טוב׃

מי בכם חכם ונבון יראה בדרכו הטובה את מעשיו בענות החכמה׃

רשע עשה פעלת שקר וזרע צדקה שכר אמת׃

שאי עיניכם וראי הבאים מצפון איה העדר נתן לך צאן תפארתך׃

ואמר לנפשי נפשי יש לך עתודות הרבה לשנים רבות הנפשי אכלי שתי ושישי׃

והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה׃

אשר תסורו מדרכיכם הראשנים ותפשטו את האדם הישן הנשחת בתאות התרמית׃

ואנשים רעים וקסמים יוסיפו סרה מתעים ונתעים׃