כבוד חכמים ינחלו וכסילים מרים קלון׃

עוכר ביתו ינחל רוח ועבד אויל לחכם לב׃

יהוה עזי ומעזי ומנוסי ביום צרה אליך גוים יבאו מאפסי ארץ ויאמרו אך שקר נחלו אבותינו הבל ואין בם מועיל׃

כי עשה נעשה את כל הדבר אשר יצא מפינו לקטר למלכת השמים והסיך לה נסכים כאשר עשינו אנחנו ואבתינו מלכינו ושרינו בערי יהודה ובחצות ירושלם ונשבע לחם ונהיה טובים ורעה לא ראינו׃

אוי לכם הסופרים והפרושים החנפים כי בונים אתם את קברי הנביאים ותיפו את מצבות קברות הצדיקים׃

ובכן תעידו על נפשכם כי בנים אתם לרוצחי הנביאים׃

מדעתכם כי לא בדבר נפסד בכסף או בזהב נפדיתם מדרך הבלכם אשר הנחלתם מאת אבותיכם׃

ראשית חכמה קנה חכמה ובכל קנינך קנה בינה׃

תתן לראשך לוית חן עטרת תפארת תמגנך׃

פרי צדיק עץ חיים ולקח נפשות חכם׃

והמשכלים יזהרו כזהר הרקיע ומצדיקי הרבים ככוכבים לעולם ועד׃

ומעתה שמור לי כתר הצדקה אשר ביום ההוא יתננו לי האדון השפט הצדיק ולא לי לבדי כי גם לכל אהבי הופעתו׃

והיה בהגלות שר הרעים תשאו עטרת הכבוד אשר לא תבל׃