עבד אדמתו ישבע לחם ומרדף ריקים חסר לב׃

מפרי פי איש ישבע טוב וגמול ידי אדם ישוב לו׃

נצר תאנה יאכל פריה ושמר אדניו יכבד׃

ודי חלב עזים ללחמך ללחם ביתך וחיים לנערותיך׃

גלה חציר ונראה דשא ונאספו עשבות הרים׃

ידע תדע פני צאנך שית לבך לעדרים׃

עבד אדמתו ישבע לחם ומרדף רקים ישבע ריש׃

ויתרון ארץ בכל היא מלך לשדה נעבד׃

ובא כמהלך ראשך ומחסרך כאיש מגן׃

עד מתי עצל תשכב מתי תקום משנתך׃

אשר אין לה קצין שטר ומשל׃

צדקת תמים תישר דרכו וברשעתו יפל רשע׃

צדקת ישרים תצילם ובהות בגדים ילכדו׃

טוב איש חונן ומלוה יכלכל דבריו במשפט׃

שומר מצוה לא ידע דבר רע ועת ומשפט ידע לב חכם׃

כי לכל חפץ יש עת ומשפט כי רעת האדם רבה עליו׃

לכן אתן את נשיהם לאחרים שדותיהם ליורשים כי מקטן ועד גדול כלה בצע בצע מנביא ועד כהן כלה עשה שקר׃

איכה תאמרו חכמים אנחנו ותורת יהוה אתנו אכן הנה לשקר עשה עט שקר ספרים׃