למען תלך בדרך טובים וארחות צדיקים תשמר׃

חבר אני לכל אשר יראוך ולשמרי פקודיך׃

הגידה לי שאהבה נפשי איכה תרעה איכה תרביץ בצהרים שלמה אהיה כעטיה על עדרי חבריך׃

אם לא תדעי לך היפה בנשים צאי לך בעקבי הצאן ורעי את גדיתיך על משכנות הרעים׃

אז נדברו יראי יהוה איש את רעהו ויקשב יהוה וישמע ויכתב ספר זכרון לפניו ליראי יהוה ולחשבי שמו׃

ויהיו שקדים על תורת השליחים ועל ההתחברות ועל בציעת הלחם ועל התפלה׃

ונתבוננה זה על זה לעורר אתנו לאהבה ולמעשים טובים׃

אם יאמרו לכה אתנו נארבה לדם נצפנה לנקי חנם׃

כל הון יקר נמצא נמלא בתינו שלל׃

בני אל תלך בדרך אתם מנע רגלך מנתיבתם׃

כי חנם מזרה הרשת בעיני כל בעל כנף׃

כן ארחות כל בצע בצע את נפש בעליו יקח׃

להצילך מדרך רע מאיש מדבר תהפכות׃

השמחים לעשות רע יגילו בתהפכות רע׃

להצילך מאשה זרה מנכריה אמריה החליקה׃

כי שחה אל מות ביתה ואל רפאים מעגלתיה׃

הולך אחריה פתאם כשור אל טבח יבוא וכעכס אל מוסר אויל׃

עד יפלח חץ כבדו כמהר צפור אל פח ולא ידע כי בנפשו הוא׃

דרכי שאול ביתה ירדות אל חדרי מות׃

עזבו פתאים וחיו ואשרו בדרך בינה׃

אברם ישב בארץ כנען ולוט ישב בערי הככר ויאהל עד סדם׃

ואנשי סדם רעים וחטאים ליהוה מאד׃

ויקחו את לוט ואת רכשו בן אחי אברם וילכו והוא ישב בסדם׃

ויעזב את עצת הזקנים אשר יעצהו ויועץ את הילדים אשר גדלו אתו אשר העמדים לפניו׃

וידברו אליו הילדים אשר גדלו אתו לאמר כה תאמר לעם הזה אשר דברו אליך לאמר אביך הכביד את עלנו ואתה הקל מעלינו כה תדבר אליהם קטני עבה ממתני אבי׃

ויאמר אל יהושפט התלך אתי למלחמה רמת גלעד ויאמר יהושפט אל מלך ישראל כמוני כמוך כעמי כעמך כסוסי כסוסיך׃

ויהי כראות שרי הרכב את יהושפט והמה אמרו אך מלך ישראל הוא ויסרו עליו להלחם ויזעק יהושפט׃

ויצא אל פניו יהוא בן חנני החזה ויאמר אל המלך יהושפט הלרשע לעזר ולשנאי יהוה תאהב ובזאת עליך קצף מלפני יהוה׃

אל נא תתעו חברת אנשים רעים משחתת מדות טבות׃

הקיצו במישרים משכרון ואל תחטאו כי יש אנשים אשר אין בהם דעת אלהים לבשתכם אני אמר זאת׃

אל תהיו משכי על זר עם חסרי אמונה כי אי זה שתפות יש לצדקה עם העול ואי זה התחברות לאור עם החשך׃

ואי זה דבק יש להיכל אלהים עם האלילים כי אתם היכל אלהים חיים כמו שאמר האלהים ושכנתי והתהלכתי בתוכם והייתי להם לאלהים והם יהיו לי לעם׃

והייתי לכם לאב ואתם תהיו לי לבנים ולבנות נאם יהוה צבאות׃

ואשמע קול אחר מן השמים האמר צאו ממנה עמי פן תתחברו אל חטאתיה ופן תקחו ממכותיה׃