שש הנה שנא יהוה ושבע תועבות נפשו׃

עינים רמות לשון שקר וידים שפכות דם נקי׃

תאבד דברי כזב איש דמים ומרמה יתעב יהוה׃

זקן ונשוא פנים הוא הראש ונביא מורה שקר הוא הזנב׃

ותחללנה אתי אל עמי בשעלי שערים ובפתותי לחם להמית נפשות אשר לא תמותנה ולחיות נפשות אשר לא תחיינה בכזבכם לעמי שמעי כזב׃

יען הכאות לב צדיק שקר ואני לא הכאבתיו ולחזק ידי רשע לבלתי שוב מדרכו הרע להחיתו׃

אבל רכי הלב ואשר אינם מאמינים והמגאלים והמרצחים והזנים והמכשפים ועבדי האלילים וכל המכזבים חלקם יהיה באגם הבער באש וגפרית אשר הוא המות השני׃

ומחוץ לה הכלבים והמכשפים והזנים והמרצחים ועבדי האלילים וכל אהב שקר ועשהו׃

מאזני מרמה תועבת יהוה ואבן שלמה רצונו׃

תועבת יהוה עקשי לב ורצונו תמימי דרך׃

זבח רשעים תועבת יהוה ותפלת ישרים רצונו׃

כי אם בזאת יתהלל המתהלל השכל וידע אותי כי אני יהוה עשה חסד משפט וצדקה בארץ כי באלה חפצתי נאם יהוה׃