כי חנם מזרה הרשת בעיני כל בעל כנף׃

כן ארחות כל בצע בצע את נפש בעליו יקח׃

גבר מחליק על רעהו רשת פורש על פעמיו׃

בפשע איש רע מוקש וצדיק ירון ושמח׃

טבעו גוים בשחת עשו ברשת זו טמנו נלכדה רגלם׃

יארב במסתר כאריה בסכה יארב לחטוף עני יחטף עני במשכו ברשתו׃

כי נמצאו בעמי רשעים ישור כשך יקושים הציבו משחית אנשים ילכדו׃

שמנו עשתו גם עברו דברי רע דין לא דנו דין יתום ויצליחו ומשפט אביונים לא שפטו׃

אבד חסיד מן הארץ וישר באדם אין כלם לדמים יארבו איש את אחיהו יצודו חרם׃

כלה בחכה העלה יגרהו בחרמו ויאספהו במכמרתו על כן ישמח ויגיל׃

העל כן יריק חרמו ותמיד להרג גוים לא יחמול׃

הון עשיר קרית עזו מחתת דלים רישם׃

והיה כעץ שתול על פלגי מים אשר פריו יתן בעתו ועלהו לא יבול וכל אשר יעשה יצליח׃

הבאים ישרש יעקב יציץ ופרח ישראל ומלאו פני תבל תנובה׃

ויספה פליטת בית יהודה הנשארה שרש למטה ועשה פרי למעלה׃

ברוך הגבר אשר יבטח ביהוה והיה יהוה מבטחו׃

והיה כעץ שתול על מים ועל יובל ישלח שרשיו ולא ירא כי יבא חם והיה עלהו רענן ובשנת בצרת לא ידאג ולא ימיש מעשות פרי׃

ואשר על הסלע הם המקבלים בשמחה את הדבר בשמעם ושרש אין להם רק לשעה מאמינים ובעת הנסיון יסגו אחור׃

ואשר באדמה הטובה הם השמרים בלב טוב וטהור את הדבר אשר שמעו ועשים פרי בתוחלת׃

אנכי הוא הגפן ואתם השריגים העמד בי ואני בו הוא יעשה פרי לרב כי בלעדי לא תוכלון עשות מאומה׃

לא אתם בחרתם בי כי אם אנכי בחרתי בכם והפקדתי אתכם ללכת ולעשות פרי ופריכם יקום והיה כל אשר תשאלו מאבי בשמי יתן לכם׃

אכן עתה בהיותכם משחררים מידי החטא ומשעבדים לאלהים יש לכם פריכם לקדשה ואחריתו חיי עולם׃