תאות ענוים שמעת יהוה תכין לבם תקשיב אזנך׃

אחת שאלתי מאת יהוה אותה אבקש שבתי בבית יהוה כל ימי חיי לחזות בנעם יהוה ולבקר בהיכלו׃

והתענג על יהוה ויתן לך משאלת לבך׃

ועתה מה קויתי אדני תוחלתי לך היא׃

מכל פשעי הצילני חרפת נבל אל תשימני׃

אחלי יכנו דרכי לשמר חקיך׃

בכל לבי דרשתיך אל תשגני ממצותיך׃

נפשי אויתיך בלילה אף רוחי בקרבי אשחרך כי כאשר משפטיך לארץ צדק למדו ישבי תבל׃

ואני לא אצתי מרעה אחריך ויום אנוש לא התאויתי אתה ידעת מוצא שפתי נכח פניך היה׃

אשרי הרעבים והצמאים לצדקה כי הם ישבעו׃

במות אדם רשע תאבד תקוה ותוחלת אונים אבדה׃

תוחלת צדיקים שמחה ותקות רשעים תאבד׃

ועל בני המרי ואשר לא ישמעו לאמת כי אם לעולה שמעו חרון אף וחמה׃

צרה ומצוקה על כל נפש אדם עשה הרע על היהודי בראשונה וכן גם על היוני׃

כי אם בעותי הדין העתיד ואש קנאה אשר תאכל את הצררים׃