לא יועיל הון ביום עברה וצדקה תציל ממות׃

פעלת צדיק לחיים תבואת רשע לחטאת׃

בארח צדקה חיים ודרך נתיבה אל מות׃

יראת יהוה לחיים ושבע ילין בל יפקד רע׃

כי אם בכל עם ועם הירא אותו ועשה צדק רצוי הוא לפניו׃

בני אל יתעה אתכם איש העשה צדקה צדיק הוא כאשר הוא צדיק׃

ונודעו בזאת בני האלהים ובני השטן כל איש אשר לא יעשה צדקה איננו מאלהים וכן כל אשר לא יאהב את אחיו׃

כי רגליהם לרע ירוצו וימהרו לשפך דם׃

והם לדמם יארבו יצפנו לנפשתם׃

הולך אחריה פתאם כשור אל טבח יבוא וכעכס אל מוסר אויל׃

עד יפלח חץ כבדו כמהר צפור אל פח ולא ידע כי בנפשו הוא׃

וחטאי חמס נפשו כל משנאי אהבו מות׃

ועל בני המרי ואשר לא ישמעו לאמת כי אם לעולה שמעו חרון אף וחמה׃

צרה ומצוקה על כל נפש אדם עשה הרע על היהודי בראשונה וכן גם על היוני׃