ישמע חכם ויוסף לקח ונבון תחבלות יקנה׃

תן לחכם ויחכם עוד הודע לצדיק ויוסף לקח׃

אהב מוסר אהב דעת ושנא תוכחת בער׃

חכמת ערום הבין דרכו ואולת כסילים מרמה׃

הבינני ואצרה תורתך ואשמרנה בכל לב׃

מי בכם חכם ונבון יראה בדרכו הטובה את מעשיו בענות החכמה׃

קרץ עין יתן עצבת ואויל שפתים ילבט׃

בפשע שפתים מוקש רע ויצא מצרה צדיק׃

נצר פיו שמר נפשו פשק שפתיו מחתה לו׃

בכל עצב יהיה מותר ודבר שפתים אך למחסור׃

דברי פי חכם חן ושפתות כסיל תבלענו׃

שפתי כסיל יבאו בריב ופיו למהלמות יקרא׃

פי כסיל מחתה לו ושפתיו מוקש נפשו׃