יש בוטה כמדקרות חרב ולשון חכמים מרפא׃

מרפא לשון עץ חיים וסלף בה שבר ברוח׃

הנה יסרת רבים וידים רפות תחזק׃

כושל יקימון מליך וברכים כרעות תאמץ׃

מצות שפתיו ולא אמיש מחקי צפנתי אמרי פיו׃

לי שמעו ויחלו וידמו למו עצתי׃

אחרי דברי לא ישנו ועלימו תטף מלתי׃

פי צדיק יהגה חכמה ולשונו תדבר משפט׃

ויתר שהיה קהלת חכם עוד למד דעת את העם ואזן וחקר תקן משלים הרבה׃

בקש קהלת למצא דברי חפץ וכתוב ישר דברי אמת׃

ונתתי לכם רעים כלבי ורעו אתכם דעה והשכיל׃

נמצאו דבריך ואכלם ויהי דבריך לי לששון ולשמחת לבבי כי נקרא שמך עלי יהוה אלהי צבאות׃

ויהי אחרי אכלם אמר ישוע אל שמעון פטרוס שמעון בן יונה התאהב אתי יותר מאלה ויאמר אליו כן אדני אתה ידעת כי אהבתיך ויאמר אליו רעה את טלאי׃

ויאמר אליו פעם שלישית שמעון בן יונה התאהב אתי ויתעצב פטרוס על כי אמר אליו בשלישית התאהב אתי ויאמר אליו אדני את כל אתה יודע וידעת כי אהבתיך ויאמר אליו ישוע רעה את צאני׃

רעו את עדר האלהים אשר בידכם והשגיחו עליהם לא באנס כי אם בנדבה אף לא עקב בצע כי אם בנפש חפצה׃

תחת כי שנאו דעת ויראת יהוה לא בחרו׃

ויאכלו מפרי דרכם וממעצתיהם ישבעו׃

ואמרת איך שנאתי מוסר ותוכחת נאץ לבי׃

הוא ימות באין מוסר וברב אולתו ישגה׃

נדמו עמי מבלי הדעת כי אתה הדעת מאסת ואמאסאך מכהן לי ותשכח תורת אלהיך אשכח בניך גם אני׃

כל איש שמע את דבר המלכות ולא יבינהו ובא הרע וחטף את הזרוע בלבבו הוא הנזרע על יד הדרך׃

וזה הוא הדין כי האור בא אל העולם ובני האדם אהבו החשך מן האור כי רעים מעשיהם׃

כי כל פעל עולה ישנא את האור ולא יבא לאור פן יוכחו מעשיו׃

וכאשר מאסו להשיג האלהים בדעת נתנם האלהים בידי דעה נמאסה לעשות את אשר לא יתכן׃

למה זה מחיר ביד כסיל לקנות חכמה ולב אין׃