פרי צדיק עץ חיים ולקח נפשות חכם׃

אמרו צדיק כי טוב כי פרי מעלליהם יאכלו׃

אוי לרשע רע כי גמול ידיו יעשה לו׃

אל תעמלו במאכל אשר יאבד כי אם במאכל הקים לחיי עולמים אשר בן האדם יתננו לכם כי בו חתם חותמו אביו האלהים׃

על כן אחי חביבי התכוננו בל תמוטו והעדיפו בכל עת במעשה אדנינו מדעתכם כי לא לריק עמלכם באדנינו׃

אל תתעו לא יתן אלהים להתל בו כי מה שזרע האדם אתו יקצר׃

ואנחנו בעשות הטוב אל נחת כי נקצר בעתו אם לא נרפה׃

כי האלהים לא יעות צדק לשכח את מעשיכם ואת עמל אהבתכם אשר הראיתם לשמו ששרתם ועודכם משרתים את הקדשים׃

כן כל עץ טוב עשה פרי טוב והמשחת עשה פרי רע׃

עץ טוב לא יוכל עשות פרי רע ועץ משחת לא יעשה פרי טוב׃

או עשו את העץ טוב ופריו טוב או עשו את העץ משחת ופריו משחת כי בפריו נכר העץ׃

ילדי הצפעונים איכה תוכלו למלל טוב ואתם רעים כי משפעת הלב ימלל הפה׃

כי מן הלב יוצאות מחשבות רע רציחות נאופים זנונים גנבות עדיות שקר וגדופים׃

כי שכר החטא הוא המות ומתנת חסד אלהים היא חיי העולם במשיח ישוע אדנינו׃

ושיחתם כרקב תאכל סביב אשר מהם הומניוס ופיליטוס׃

אשר תעו מן האמת באמרם כי תחית המתים כבר היתה ויבלבלו אמונת קצת אנשים׃

ואנשים רעים וקסמים יוסיפו סרה מתעים ונתעים׃