משלי שלמה בן דוד מלך ישראל׃

גם אלה משלי שלמה אשר העתיקו אנשי חזקיה מלך יהודה׃

וידבר שלשת אלפים משל ויהי שירו חמשה ואלף׃

ויתר שהיה קהלת חכם עוד למד דעת את העם ואזן וחקר תקן משלים הרבה׃

בן חכם ישמח אב וכסיל אדם בוזה אמו׃

ילד כסיל לתוגה לו ולא ישמח אבי נבל׃

כעס לאביו בן כסיל וממר ליולדתו׃

הות לאביו בן כסיל ודלף טרד מדיני אשה׃

בני אם חכם לבך ישמח לבי גם אני׃

ותעלזנה כליותי בדבר שפתיך מישרים׃

גול יגול אבי צדיק יולד חכם וישמח בו׃

ישמח אביך ואמך ותגל יולדתך׃

איש אהב חכמה ישמח אביו ורעה זונות יאבד הון׃

שבט ותוכחת יתן חכמה ונער משלח מביש אמו׃

ומי יודע החכם יהיה או סכל וישלט בכל עמלי שעמלתי ושחכמתי תחת השמש גם זה הבל׃