בני אם יפתוך חטאים אל תבא׃

בני אל תלך בדרך אתם מנע רגלך מנתיבתם׃

בני אם תקח אמרי ומצותי תצפן אתך׃

בני תורתי אל תשכח ומצותי יצר לבך׃

בני שמר אמרי ומצותי תצפן אתך׃

והנה הם מביאים אליו איש נכה אברים והוא משכב על המטה ויהי כראות ישוע את אמונתם ויאמר אל נכה האברים חזק בני נסלחו לך חטאתיך׃

ויפן ישוע וירא אותה ויאמר חזקי בתי אמונתך הושיעה לך ותושע האשה מן השעה ההיא׃

שמעו בנים מוסר אב והקשיבו לדעת בינה׃

כי בן הייתי לאבי רך ויחיד לפני אמי׃

בני לחכמתי הקשיבה לתבונתי הט אזנך׃

לשמר מזמות ודעת שפתיך ינצרו׃

נצר בני מצות אביך ואל תטש תורת אמך׃

עין תלעג לאב ותבוז ליקהת אם יקרוה ערבי נחל ויאכלוה בני נשר׃

דברי למואל מלך משא אשר יסרתו אמו׃

איש אמו ואביו תיראו ואת שבתתי תשמרו אני יהוה אלהיכם׃

כי יהיה לאיש בן סורר ומורה איננו שמע בקול אביו ובקול אמו ויסרו אתו ולא ישמע אליהם׃

ואמרו אל זקני עירו בננו זה סורר ומרה איננו שמע בקלנו זולל וסבא׃

אם יחטא איש לאיש ופללו אלהים ואם ליהוה יחטא איש מי יתפלל לו ולא ישמעו לקול אביהם כי חפץ יהוה להמיתם׃

כי באתי לזכר את אמונתך בלתי צבועה ששכנה כבר בלואיס זקנתך ובאבניקה אמך ומבטח אני כי תשכן גם בך׃