אל תירא מפחד פתאם ומשאת רשעים כי תבא׃

כי יהוה יהיה בכסלך ושמר רגלך מלכד׃

מגורת רשע היא תבואנו ותאות צדיקים יתן׃

כעבור סופה ואין רשע וצדיק יסוד עולם׃

יהי שלחנם לפניהם לפח ולשלומים למוקש׃

שפך עליהם זעמך וחרון אפך ישיגם׃

כי אתה אשר הכית רדפו ואל מכאוב חלליך יספרו׃

ימחו מספר חיים ועם צדיקים אל יכתבו׃

וימוגו בני האדם מאימה ומחרדת הבאות על כל הארץ כי כחות השמים יתמוטטו׃

רק השמרו לכם פן יכבד לבבכם בסבא ובשכרון ובדאגות המחיה ובא עליכם היום ההוא פתאם׃

כי כמו פח יבוא על כל הישבים על פני כל הארץ׃

כי בעת אמרם שלום ושלוה יבא עליהם השבר פתאם כחבלים על ההרה ולא יוכלו להמלט׃

ומלכי הארץ והרזנים ושרי האלפים והעשירים והתקיפים וכל עבד וכל בן חרים התחבאו במערות ובסלעי ההרים׃

כי בא יום עברתו הגדול ומי יוכל להתיצב׃

בטרם יבינו סירתיכם אטד כמו חי כמו חרון ישערנו׃

לאמים כשאון מים רבים ישאון וגער בו ונס ממרחק ורדף כמץ הרים לפני רוח וכגלגל לפני סופה׃

יהוה ארך אפים וגדול כח ונקה לא ינקה יהוה בסופה ובשערה דרכו וענן אבק רגליו׃

ואוי להרות ולמיניקות בימים ההם כי תהיה צרה גדולה בארץ וקצף על העם הזה׃

והיו אתות בשמש ובירח ובכוכבים ועל הארץ מצוקה לגוים ומבוכה מהמית הים ודכיו׃

צרה ומצוקה על כל נפש אדם עשה הרע על היהודי בראשונה וכן גם על היוני׃