עוונותיו ילכדנו את הרשע ובחבלי חטאתו יתמך׃

הוא ימות באין מוסר וברב אולתו ישגה׃

מים גנובים ימתקו ולחם סתרים ינעם׃

ולא ידע כי רפאים שם בעמקי שאול קראיה׃

אדם עשק בדם נפש עד בור ינוס אל יתמכו בו׃

ויתלו את המן על העץ אשר הכין למרדכי וחמת המלך שככה׃

הנה יחבל און והרה עמל וילד שקר׃

ישוב עמלו בראשו ועל קדקדו חמסו ירד׃

נודע יהוה משפט עשה בפעל כפיו נוקש רשע הגיון סלה׃

ואתה אלהים תורדם לבאר שחת אנשי דמים ומרמה לא יחצו ימיהם ואני אבטח בך׃

חטאתי כי דם נקי הסגרתי והם אמרו מה לנו ולזאת אתה תראה׃

וישלך את הכסף אל ההיכל ויפן וילך ויחנק׃