אתה תדבר את כל אשר אצוך ואהרן אחיך ידבר אל פרעה ושלח את בני ישראל מארצו׃

ויבא משה ואהרן אל פרעה ויעשו כן כאשר צוה יהוה וישלך אהרן את מטהו לפני פרעה ולפני עבדיו ויהי לתנין׃

וילכו ויעשו בני ישראל כאשר צוה יהוה את משה ואהרן כן עשו׃

וירא משה את כל המלאכה והנה עשו אתה כאשר צוה יהוה כן עשו ויברך אתם משה׃

ויעש משה ככל אשר צוה יהוה אתו כן עשה׃

ויעש נח ככל אשר צוה אתו אלהים כן עשה׃

והתברכו בזרעך כל גויי הארץ עקב אשר שמעת בקלי׃

אתה צויתה פקדיך לשמר מאד׃

אם תשמרו את מצותי תעמדו באהבתי כאשר שמרתי גם אני את מצות אבי ועמדתי באהבתו׃

ואתם ידידי אתם אם תעשו את אשר אני מצוה אתכם׃