ויהי בחדש הראשון בשנה השנית באחד לחדש הוקם המשכן׃

ויאמר יהוה אל משה ואל אהרן בארץ מצרים לאמר׃

החדש הזה לכם ראש חדשים ראשון הוא לכם לחדשי השנה׃

היום אתם יצאים בחדש האביב׃

ויהי ביום כלות משה להקים את המשכן וימשח אתו ויקדש אתו ואת כל כליו ואת המזבח ואת כל כליו וימשחם ויקדש אתם׃

ונתתה את מזבח העלה לפני פתח משכן אהל מועד׃

ויקם משה את המשכן ויתן את אדניו וישם את קרשיו ויתן את בריחיו ויקם את עמודיו׃

ויפרש את האהל על המשכן וישם את מכסה האהל עליו מלמעלה כאשר צוה יהוה את משה׃

ואת המשכן תעשה עשר יריעת שש משזר ותכלת וארגמן ותלעת שני כרבים מעשה חשב תעשה אתם׃

ועשית יריעת עזים לאהל על המשכן עשתי עשרה יריעת תעשה אתם׃

והקמת את המשכן כמשפטו אשר הראית בהר׃

באהל מועד מחוץ לפרכת אשר על העדת יערך אתו אהרן ובניו מערב עד בקר לפני יהוה חקת עולם לדרתם מאת בני ישראל׃

ושחקת ממנה הדק ונתתה ממנה לפני העדת באהל מועד אשר אועד לך שמה קדש קדשים תהיה לכם׃

את המשכן את אהלו ואת מכסהו את קרסיו ואת קרשיו את בריחו את עמדיו ואת אדניו׃

ויעש קרסי נחשת חמשים לחבר את האהל להית אחד׃