Exode 30:23-38
23
ואתה קח לך בשמים ראש מר דרור חמש מאות וקנמן בשם מחציתו חמשים ומאתים וקנה בשם חמשים ומאתים׃
24
וקדה חמש מאות בשקל הקדש ושמן זית הין׃
25
ועשית אתו שמן משחת קדש רקח מרקחת מעשה רקח שמן משחת קדש יהיה׃
26
ומשחת בו את אהל מועד ואת ארון העדת׃
27
ואת השלחן ואת כל כליו ואת המנרה ואת כליה ואת מזבח הקטרת׃
28
ואת מזבח העלה ואת כל כליו ואת הכיר ואת כנו׃
29
וקדשת אתם והיו קדש קדשים כל הנגע בהם יקדש׃
30
ואת אהרן ואת בניו תמשח וקדשת אתם לכהן לי׃
31
ואל בני ישראל תדבר לאמר שמן משחת קדש יהיה זה לי לדרתיכם׃
32
על בשר אדם לא ייסך ובמתכנתו לא תעשו כמהו קדש הוא קדש יהיה לכם׃
33
איש אשר ירקח כמהו ואשר יתן ממנו על זר ונכרת מעמיו׃
34
ויאמר יהוה אל משה קח לך סמים נטף ושחלת וחלבנה סמים ולבנה זכה בד בבד יהיה׃
35
ועשית אתה קטרת רקח מעשה רוקח ממלח טהור קדש׃
36
ושחקת ממנה הדק ונתתה ממנה לפני העדת באהל מועד אשר אועד לך שמה קדש קדשים תהיה לכם׃
37
והקטרת אשר תעשה במתכנתה לא תעשו לכם קדש תהיה לך ליהוה׃
38
איש אשר יעשה כמוה להריח בה ונכרת מעמיו׃
Psaumes 23:5
תערך לפני שלחן נגד צררי דשנת בשמן ראשי כוסי רויה׃
Psaumes 92:10
ותרם כראים קרני בלתי בשמן רענן׃
Esaïe 11:2
ונחה עליו רוח יהוה רוח חכמה ובינה רוח עצה וגבורה רוח דעת ויראת יהוה׃
Esaïe 61:1
רוח אדני יהוה עלי יען משח יהוה אתי לבשר ענוים שלחני לחבש לנשברי לב לקרא לשבוים דרור ולאסורים פקח קוח׃
Esaïe 61:3
לשום לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃
Jean 3:34
כי את אשר שלחו אלהים דברי אלהים ידבר כי לא במדה נתן אלהים את הרוח׃
2 Corinthiens 1:21
והמכונן אותנו אתכם במשיח ואשר משחנו הוא האלהים׃
2 Corinthiens 1:22
אשר גם חתמנו ואשר נתן בלבנו את ערבון הרוח׃
1 Jean 2:20
ואתם המשחה לכם מאת הקדוש וידעתם הכל׃
1 Jean 2:27
ואתם המשחה אשר קבלתם מאתו עמדת בכם ולא תצטרכו לאיש אשר ילמדכם כי אם כאשר תלמד אתכם המשחה בכל דבר היא האמת ואיננה כזב וכאשר למדה אתכם כן תעמדו בו׃
Exode 30:34
ויאמר יהוה אל משה קח לך סמים נטף ושחלת וחלבנה סמים ולבנה זכה בד בבד יהיה׃
Psaumes 14:1
למנצח לדוד אמר נבל בלבו אין אלהים השחיתו התעיבו עלילה אין עשה טוב׃
Psaumes 14:2
יהוה משמים השקיף על בני אדם לראות היש משכיל דרש את אלהים׃
Psaumes 141:2
תכון תפלתי קטרת לפניך משאת כפי מנחת ערב׃
Hébreux 5:7
אשר בימי היותו בבשר הקריב תפלות ותחנונים בצעקה גדולה ובדעות לפני מי שיכול להושיעו ממות ויעתר לו מפני יראתו׃
Hébreux 7:25
אשר על כן יוכל גם להושיע בכל וכל את הנגשים על ידו לאלהים כי חי הוא תמיד להפגיע בעדם׃
Apocalypse 8:3
ויבא מלאך אחר ויגש אל המזבח ומחתת זהב בידו ותנתן לו קטרת הרבה לתתה עם תפלות כל הקדשים על מזבח הזהב אשר לפני הכסא׃
Apocalypse 8:4
ויעל עשן הקטרת עם תפלות הקדשים מיד המלאך לפני אלהים׃
Ecclesiaste 10:1
זבובי מות יבאיש יביע שמן רוקח יקר מחכמה מכבוד סכלות מעט׃