ויאמר לא תוכל לראת את פני כי לא יראני האדם וחי׃

והיה בעבר כבדי ושמתיך בנקרת הצור ושכתי כפי עליך עד עברי׃

ויאמר צא ועמדת בהר לפני יהוה והנה יהוה עבר ורוח גדולה וחזק מפרק הרים ומשבר סלעים לפני יהוה לא ברוח יהוה ואחר הרוח רעש לא ברעש יהוה׃

ועתה יגדל נא כח אדני כאשר דברת לאמר׃

סלח נא לעון העם הזה כגדל חסדך וכאשר נשאתה לעם הזה ממצרים ועד הנה׃

ואמרתם ביום ההוא הודו ליהוה קראו בשמו הודיעו בעמים עלילתיו הזכירו כי נשגב שמו׃

ויאמר משה אל האלהים הנה אנכי בא אל בני ישראל ואמרתי להם אלהי אבותיכם שלחני אליכם ואמרו לי מה שמו מה אמר אלהם׃

ויאמר עוד אלהים אל משה כה תאמר אל בני ישראל יהוה אלהי אבתיכם אלהי אברהם אלהי יצחק ואלהי יעקב שלחני אליכם זה שמי לעלם וזה זכרי לדר דר׃

ועשה חסד לאלפים לאהבי ולשמרי מצותו׃

כי בשובכם על יהוה אחיכם ובניכם לרחמים לפני שוביהם ולשוב לארץ הזאת כי חנון ורחום יהוה אלהיכם ולא יסיר פנים מכם אם תשובו אליו׃

וימאנו לשמע ולא זכרו נפלאתיך אשר עשית עמהם ויקשו את ערפם ויתנו ראש לשוב לעבדתם במרים ואתה אלוה סליחות חנון ורחום ארך אפים ורב וחסד ולא עזבתם׃

כי אתה אדני טוב וסלח ורב חסד לכל קראיך׃

ואתה אדני אל רחום וחנון ארך אפים ורב חסד ואמת׃

רחום וחנון יהוה ארך אפים ורב חסד׃

לא כחטאינו עשה לנו ולא כעונתינו גמל עלינו׃

כרחק מזרח ממערב הרחיק ממנו את פשעינו׃

זכר עשה לנפלאתיו חנון ורחום יהוה׃

זרח בחשך אור לישרים חנון ורחום וצדיק׃

חנון יהוה וצדיק ואלהינו מרחם׃

חנון ורחום יהוה ארך אפים וגדל חסד׃

וקרעו לבבכם ואל בגדיכם ושובו אל יהוה אלהיכם כי חנון ורחום הוא ארך אפים ורב חסד ונחם על הרעה׃

ויתפלל אל יהוה ויאמר אנה יהוה הלוא זה דברי עד היותי על אדמתי על כן קדמתי לברח תרשישה כי ידעתי כי אתה אל חנון ורחום ארך אפים ורב חסד ונחם על הרעה׃

או התבוז לעתרת טובו ולחמלתו ולארך רוחו ולא תתבונן כי טובת האלהים תדריך אתך לתשובה׃

מה רב טובך אשר צפנת ליראיך פעלת לחסים בך נגד בני אדם׃

מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא׃

או התבוז לעתרת טובו ולחמלתו ולארך רוחו ולא תתבונן כי טובת האלהים תדריך אתך לתשובה׃

אבל התורה נכנסה למען ירבה הפשע ובאשר רבה החטא עדף ממנו החסד׃

למען כאשר מלך החטא במות ככה ימלך גם החסד על ידי הצדקה לחיי עולם בישוע המשיח אדנינו׃

אשר בו לנו הפדיום בדמו וסליחת הפשעים כרב חסדו׃

אשר השפיעו עלינו בכל חכמה והשכל׃

כי גדל עד שמים חסדך ועד שחקים אמתך׃

באברתו יסך לך ותחת כנפיו תחסה צנה וסחרה אמתו׃

כי גדול מעל שמים חסדך ועד שחקים אמתך׃

סמוכים לעד לעולם עשוים באמת וישר׃

אשתחוה אל היכל קדשך ואודה את שמך על חסדך ועל אמתך כי הגדלת על כל שמך אמרתך׃

עשה שמים וארץ את הים ואת כל אשר בם השמר אמת לעולם׃

חדשים לבקרים רבה אמונתך׃

תתן אמת ליעקב חסד לאברהם אשר נשבעת לאבתינו מימי קדם׃

כי התורה נתנה ביד משה והחסד והאמת באו על ידי ישוע המשיח׃