Exode 29:13
ולקחת את כל החלב המכסה את הקרב ואת היתרת על הכבד ואת שתי הכלית ואת החלב אשר עליהן והקטרת המזבחה׃
Lévitique 8:25-27
25
ויקח את החלב ואת האליה ואת כל החלב אשר על הקרב ואת יתרת הכבד ואת שתי הכלית ואת חלבהן ואת שוק הימין׃
26
ומסל המצות אשר לפני יהוה לקח חלת מצה אחת וחלת לחם שמן אחת ורקיק אחד וישם על החלבים ועל שוק הימין׃
27
ויתן את הכל על כפי אהרן ועל כפי בניו וינף אתם תנופה לפני יהוה׃
Lévitique 3:9
והקריב מזבח השלמים אשה ליהוה חלבו האליה תמימה לעמת העצה יסירנה ואת החלב המכסה את הקרב ואת כל החלב אשר על הקרב׃
Lévitique 7:3
ואת כל חלבו יקריב ממנו את האליה ואת החלב המכסה את הקרב׃
Lévitique 9:19
ואת החלבים מן השור ומן האיל האליה והמכסה והכלית ויתרת הכבד׃
Lévitique 7:32
ואת שוק הימין תתנו תרומה לכהן מזבחי שלמיכם׃
Lévitique 7:33
המקריב את דם השלמים ואת החלב מבני אהרן לו תהיה שוק הימין למנה׃
Lévitique 9:21
ואת החזות ואת שוק הימין הניף אהרן תנופה לפני יהוה כאשר צוה משה׃
Lévitique 10:14
ואת חזה התנופה ואת שוק התרומה תאכלו במקום טהור אתה ובניך ובנתיך אתך כי חקך וחק בניך נתנו מזבחי שלמי בני ישראל׃
Nombres 18:18
ובשרם יהיה לך כחזה התנופה וכשוק הימין לך יהיה׃