והטור הרביעי תרשיש ושהם וישפה משבצים זהב יהיו במלואתם׃

והטור הרביעי תרשיש שהם וישפה מוסבת משבצות זהב במלאתם׃

וזהב הארץ ההוא טוב שם הבדלח ואבן השהם׃

לא תסלה בכתם אופיר בשהם יקר וספיר׃

בעדן גן אלהים היית כל אבן יקרה מסכתך אדם פטדה ויהלם תרשיש שהם וישפה ספיר נפך וברקת וזהב מלאכת תפיך ונקביך בך ביום הבראך כוננו׃

ועשית ציץ זהב טהור ופתחת עליו פתוחי חתם קדש ליהוה׃

ויעשו את אבני השהם מסבת משבצת זהב מפתחת פתוחי חותם על שמות בני ישראל׃

ועתה שלח לי איש חכם לעשות בזהב ובכסף ובנחשת ובברזל ובארגון וכרמיל ותכלת וידע לפתח פתוחים עם החכמים אשר עמי ביהודה ובירושלם אשר הכין דויד אבי׃

שימני כחותם על לבך כחותם על זרועך כי עזה כמות אהבה קשה כשאול קנאה רשפיה רשפי אש שלהבתיה׃

הן על כפים חקתיך חומתיך נגדי תמיד׃