Exode 38:9-20
9
ויעש את החצר לפאת נגב תימנה קלעי החצר שש משזר מאה באמה׃
10
עמודיהם עשרים ואדניהם עשרים נחשת ווי העמדים וחשקיהם כסף׃
11
ולפאת צפון מאה באמה עמודיהם עשרים ואדניהם עשרים נחשת ווי העמודים וחשקיהם כסף׃
12
ולפאת ים קלעים חמשים באמה עמודיהם עשרה ואדניהם עשרה ווי העמדים וחשוקיהם כסף׃
13
ולפאת קדמה מזרחה חמשים אמה׃
14
קלעים חמש עשרה אמה אל הכתף עמודיהם שלשה ואדניהם שלשה׃
15
ולכתף השנית מזה ומזה לשער החצר קלעים חמש עשרה אמה עמדיהם שלשה ואדניהם שלשה׃
16
כל קלעי החצר סביב שש משזר׃
17
והאדנים לעמדים נחשת ווי העמודים וחשוקיהם כסף וצפוי ראשיהם כסף והם מחשקים כסף כל עמדי החצר׃
18
ומסך שער החצר מעשה רקם תכלת וארגמן ותולעת שני ושש משזר ועשרים אמה ארך וקומה ברחב חמש אמות לעמת קלעי החצר׃
19
ועמדיהם ארבעה ואדניהם ארבעה נחשת וויהם כסף וצפוי ראשיהם וחשקיהם כסף׃
20
וכל היתדת למשכן ולחצר סביב נחשת׃
Exode 40:8
ושמת את החצר סביב ונתת את מסך שער החצר׃
1 Rois 6:36
ויבן את החצר הפנימית שלשה טורי גזית וטור כרתת ארזים׃
1 Rois 8:64
ביום ההוא קדש המלך את תוך החצר אשר לפני בית יהוה כי עשה שם את העלה ואת המנחה ואת חלבי השלמים כי מזבח הנחשת אשר לפני יהוה קטן מהכיל את העלה ואת המנחה ואת חלבי השלמים׃
2 Chroniques 33:5
ויבן מזבחות לכל צבא השמים בשתי חצרות בית יהוה׃
Psaumes 84:10
כי טוב יום בחצריך מאלף בחרתי הסתופף בבית אלהי מדור באהלי רשע׃
Psaumes 92:13
שתולים בבית יהוה בחצרות אלהינו יפריחו׃
Psaumes 100:4
באו שעריו בתודה חצרתיו בתהלה הודו לו ברכו שמו׃
Psaumes 116:19
בחצרות בית יהוה בתוככי ירושלם הללו יה׃
Ezechiel 40:14
ויעש את אילים ששים אמה ואל איל החצר השער סביב סביב׃
Ezechiel 40:20
והשער אשר פניו דרך הצפון לחצר החיצונה מדד ארכו ורחבו׃
Ezechiel 40:23
ושער לחצר הפנימי נגד השער לצפון ולקדים וימד משער אל שער מאה אמה׃
Ezechiel 40:28
ויביאני אל חצר הפנימי בשער הדרום וימד את השער הדרום כמדות האלה׃
Ezechiel 40:32
ויביאני אל החצר הפנימי דרך הקדים וימד את השער כמדות האלה׃
Ezechiel 40:44
ומחוצה לשער הפנימי לשכות שרים בחצר הפנימי אשר אל כתף שער הצפון ופניהם דרך הדרום אחד אל כתף שער הקדים פני דרך הצפן׃
Ezechiel 42:3
נגד העשרים אשר לחצר הפנימי ונגד רצפה אשר לחצר החיצונה אתיק אל פני אתיק בשלשים׃
Ezechiel 42:19
סבב אל רוח הים מדד חמש מאות קנים בקנה המדה׃
Ezechiel 42:20
לארבע רוחות מדדו חומה לו סביב סביב ארך חמש מאות ורחב חמש מאות להבדיל בין הקדש לחל׃
Ezechiel 46:20-24
20
ויאמר אלי זה המקום אשר יבשלו שם הכהנים את האשם ואת החטאת אשר יאפו את המנחה לבלתי הוציא אל החצר החיצונה לקדש את העם׃
21
ויוציאני אל החצר החיצנה ויעבירני אל ארבעת מקצועי החצר והנה חצר במקצע החצר חצר במקצע החצר׃
22
בארבעת מקצעות החצר חצרות קטרות ארבעים ארך ושלשים רחב מדה אחת לארבעתם מהקצעות׃
23
וטור סביב בהם סביב לארבעתם ומבשלות עשוי מתחת הטירות סביב׃
24
ויאמר אלי אלה בית המבשלים אשר יבשלו שם משרתי הבית את זבח העם׃
Exode 26:31-37
31
ועשית פרכת תכלת וארגמן ותולעת שני ושש משזר מעשה חשב יעשה אתה כרבים׃
32
ונתתה אתה על ארבעה עמודי שטים מצפים זהב וויהם זהב על ארבעה אדני כסף׃
33
ונתתה את הפרכת תחת הקרסים והבאת שמה מבית לפרכת את ארון העדות והבדילה הפרכת לכם בין הקדש ובין קדש הקדשים׃
34
ונתת את הכפרת על ארון העדת בקדש הקדשים׃
35
ושמת את השלחן מחוץ לפרכת ואת המנרה נכח השלחן על צלע המשכן תימנה והשלחן תתן על צלע צפון׃
36
ועשית מסך לפתח האהל תכלת וארגמן ותולעת שני ושש משזר מעשה רקם׃
37
ועשית למסך חמשה עמודי שטים וצפית אתם זהב וויהם זהב ויצקת להם חמשה אדני נחשת׃
Exode 36:17
ויעש ללאת חמשים על שפת היריעה הקיצנה במחברת וחמשים ללאת עשה על שפת היריעה החברת השנית׃
Exode 39:40
את קלעי החצר את עמדיה ואת אדניה ואת המסך לשער החצר את מיתריו ויתדתיה ואת כל כלי עבדת המשכן לאהל מועד׃