והנחתם באהל מועד לפני העדות אשר אועד לכם שמה׃

וידבר משה אל בני ישראל ויתנו אליו כל נשיאיהם מטה לנשיא אחד מטה לנשיא אחד לבית אבתם שנים עשר מטות ומטה אהרן בתוך מטותם׃

ויהי ממחרת ויבא משה אל אהל העדות והנה פרח מטה אהרן לבית לוי ויצא פרח ויצץ ציץ ויגמל שקדים׃

ויהי דבר יהוה אלי לאמר מה אתה ראה ירמיהו ואמר מקל שקד אני ראה׃

ויאמר יהוה אלי היטבת לראות כי שקד אני על דברי לעשתו׃

שלשה גבעים משקדים בקנה האחד כפתר ופרח ושלשה גבעים משקדים בקנה אחד כפתר ופרח כן לששת הקנים היצאים מן המנרה׃

ובמנרה ארבעה גבעים משקדים כפתריה ופרחיה׃

ושנים זיתים עליה אחד מימין הגלה ואחד על שמאלה׃