לא תראה את שור אחיך או את שיו נדחים והתעלמת מהם השב תשיבם לאחיך׃

וכן תעשה לחמרו וכן תעשה לשמלתו וכן תעשה לכל אבדת אחיך אשר תאבד ממנו ומצאתה לא תוכל להתעלם׃

אם אשמח בפיד משנאי והתעררתי כי מצאו רע׃

ולא נתתי לחטא חכי לשאל באלה נפשו׃

בנפל אויביך אל תשמח ובכשלו אל יגל לבך׃

פן יראה יהוה ורע בעיניו והשיב מעליו אפו׃

אם רעב שנאך האכלהו לחם ואם צמא השקהו מים׃

אבל אני אמר לכם אהבו את איביכם ברכו את מקקליכם היטיבו לשנאיכם והתפללו בעד מכאיביכם ורדפיכם׃

אבל אליכם השמעים אני אמר אהבו את איביכם היטיבו לשנאיכם׃

ברכו את מקלליכם והתפללו בעד מכלימיכם׃

אל תשלמו לאיש רעה תחת רעה דרשו הטוב בעיני כל אדם׃

אל תנקמו נקם ידידי כי אם תנו מקום לרגז כי כתוב לי נקם ושלם אמר יהוה׃

אל נא יכבשך הרע כבוש אתה את הרע בטוב׃

וראו פן ישלם איש לאיש רעה תחת רעה כי אם רדפו בכל עת את הטוב הן לאיש איש מכם הן לכל אדם׃