השמר לך פן יהיה דבר עם לבבך בליעל לאמר קרבה שנת השבע שנת השמטה ורעה עינך באחיך האביון ולא תתן לו וקרא עליך אל יהוה והיה בך חטא׃

ביומו תתן שכרו ולא תבוא עליו השמש כי עני הוא ואליו הוא נשא את נפשו ולא יקרא עליך אל יהוה והיה בך חטא׃

אם עלי אדמתי תזעק ויחד תלמיה יבכיון׃

אם כחה אכלתי בלי כסף ונפש בעליה הפחתי׃

מרב עשוקים יזעיקו ישועו מזרוע רבים׃

והאלהים הלא הוא יעשה דין בחיריו הקראים אליו יומם ולילה גם כי יתמהמה להושיעם׃

להביא עליו צעקת דל וצעקת עניים ישמע׃

תאות ענוים שמעת יהוה תכין לבם תקשיב אזנך׃

לשפט יתום ודך בל יוסיף עוד לערץ אנוש מן הארץ׃

בצר לי אקרא יהוה ואל אלהי אשוע ישמע מהיכלו קולי ושועתי לפניו תבוא באזניו׃

ידעת כי יעשה יהוה דין עני משפט אבינים׃

רצון יראיו יעשה ואת שועתם ישמע ויושיעם׃

עשה משפט לעשוקים נתן לחם לרעבים יהוה מתיר אסורים׃

יהוה שמר את גרים יתום ואלמנה יעודד ודרך רשעים יעות׃

אל תגזל דל כי דל הוא ואל תדכא עני בשער׃

כי יהוה יריב ריבם וקבע את קבעיהם נפש׃

אל תסג גבול עולם ובשדי יתומים אל תבא׃

כי גאלם חזק הוא יריב את ריבם אתך׃

הנה שכר הפעלים אספי קציר שדתיכם אשר עשקתם צעק עליכם וצעקת הקוצרים באה באזני יהוה צבאות׃