Lévitique 18:20
ואל אשת עמיתך לא תתן שכבתך לזרע לטמאה בה׃
Lévitique 20:10
ואיש אשר ינאף את אשת איש אשר ינאף את אשת רעהו מות יומת הנאף והנאפת׃
2 Samuel 11:4
וישלח דוד מלאכים ויקחה ותבוא אליו וישכב עמה והיא מתקדשת מטמאתה ותשב אל ביתה׃
2 Samuel 11:5
ותהר האשה ותשלח ותגד לדוד ותאמר הרה אנכי׃
2 Samuel 11:27
ויעבר האבל וישלח דוד ויאספה אל ביתו ותהי לו לאשה ותלד לו בן וירע הדבר אשר עשה דוד בעיני יהוה׃
Proverbes 2:15-18
15
אשר ארחתיהם עקשים ונלוזים במעגלותם׃
16
להצילך מאשה זרה מנכריה אמריה החליקה׃
17
העזבת אלוף נעוריה ואת ברית אלהיה שכחה׃
18
כי שחה אל מות ביתה ואל רפאים מעגלתיה׃
Proverbes 6:24-35
24
לשמרך מאשת רע מחלקת לשון נכריה׃
25
אל תחמד יפיה בלבבך ואל תקחך בעפעפיה׃
26
כי בעד אשה זונה עד ככר לחם ואשת איש נפש יקרה תצוד׃
27
היחתה איש אש בחיקו ובגדיו לא תשרפנה׃
28
אם יהלך איש על הגחלים ורגליו לא תכוינה׃
29
כן הבא אל אשת רעהו לא ינקה כל הנגע בה׃
30
לא יבוזו לגנב כי יגנוב למלא נפשו כי ירעב׃
31
ונמצא ישלם שבעתים את כל הון ביתו יתן׃
32
נאף אשה חסר לב משחית נפשו הוא יעשנה׃
33
נגע וקלון ימצא וחרפתו לא תמחה׃
34
כי קנאה חמת גבר ולא יחמול ביום נקם׃
35
לא ישא פני כל כפר ולא יאבה כי תרבה שחד׃
Proverbes 7:18-27
18
לכה נרוה דדים עד הבקר נתעלסה באהבים׃
19
כי אין האיש בביתו הלך בדרך מרחוק׃
20
צרור הכסף לקח בידו ליום הכסא יבא ביתו׃
21
הטתו ברב לקחה בחלק שפתיה תדיחנו׃
22
הולך אחריה פתאם כשור אל טבח יבוא וכעכס אל מוסר אויל׃
23
עד יפלח חץ כבדו כמהר צפור אל פח ולא ידע כי בנפשו הוא׃
24
ועתה בנים שמעו לי והקשיבו לאמרי פי׃
25
אל ישט אל דרכיה לבך אל תתע בנתיבותיה׃
26
כי רבים חללים הפילה ועצמים כל הרגיה׃
27
דרכי שאול ביתה ירדות אל חדרי מות׃
Jérémie 5:8
סוסים מיזנים משכים היו איש אל אשת רעהו יצהלו׃
Jérémie 5:9
העל אלה לוא אפקד נאם יהוה ואם בגוי אשר כזה לא תתנקם נפשי׃
Jérémie 29:22
ולקח מהם קללה לכל גלות יהודה אשר בבבל לאמר ישמך יהוה כצדקיהו וכאחב אשר קלם מלך בבל באש׃
Jérémie 29:23
יען אשר עשו נבלה בישראל וינאפו את נשי רעיהם וידברו דבר בשמי שקר אשר לוא צויתם ואנכי הוידע ועד נאם יהוה׃
Malachie 3:5
וקרבתי אליכם למשפט והייתי עד ממהר במכשפים ובמנאפים ובנשבעים לשקר ובעשקי שכר שכיר אלמנה ויתום ומטי גר ולא יראוני אמר יהוה צבאות׃
Matthieu 5:27
שמעתם כי נאמר לקדמונים לא תנאף׃
Matthieu 5:28
אבל אני אמר לכם כל אשר יביט באשה לחמד אותה נאף נאפה בלבו׃
Marc 10:11
ויאמר אליהם המשלח את אשתו ולקח אחרת נאף הוא עליה׃
Marc 10:12
ואשה כי תעזב אישה ולקחה איש אחר נאפת היא׃
Romains 7:2
כי אשה בעלת בעל קשורה היא באישה כפי התורה בחייו ובמות הבעל פטורה היא מתורת בעלה׃
Romains 7:3
והנה אם תחיה לאיש אחר בחיי בעלה נאפת יקרא לה אבל אחרי מות בעלה פטורה היא מן התורה ואיננה נאפת בהיותה לאיש אחר׃
Ephésiens 5:3-5
3
אבל זנות וכל טמאה ואהבת בצע בל יזכר ביניכם כאשר נאוה לקדשים׃
4
גם לא נבול פה ודברי סכלות ולעג אשר לא כהגן כי אם קול תודה׃
5
כי זאת ידע תדעו כי כל זנה וטמא ואהב בצע שהוא עבד אלילים אין לו חלק ונחלה במלכות המשיח והאלהים׃
Hébreux 13:4
האישות תיקר בכל וערש יצועכם אל יחלל את הזנים ואת המנאפים ידין אלהים׃
Jacques 4:4
הנאפים והמנאפות הלא ידעתם כי אהבת העולם איבת אלהים היא ועתה החפץ להיות אהב העולם יהיה איב לאלהים׃
Apocalypse 21:8
אבל רכי הלב ואשר אינם מאמינים והמגאלים והמרצחים והזנים והמכשפים ועבדי האלילים וכל המכזבים חלקם יהיה באגם הבער באש וגפרית אשר הוא המות השני׃