Exode 3:1
ומשה היה רעה את צאן יתרו חתנו כהן מדין וינהג את הצאן אחר המדבר ויבא אל הר האלהים חרבה׃
Génèse 14:18
ומלכי צדק מלך שלם הוציא לחם ויין והוא כהן לאל עליון׃
Génèse 41:45
ויקרא פרעה שם יוסף צפנת פענח ויתן לו את אסנת בת פוטי פרע כהן אן לאשה ויצא יוסף על ארץ מצרים׃
Génèse 24:11
ויברך הגמלים מחוץ לעיר אל באר המים לעת ערב לעת צאת השאבת׃
Génèse 24:14-20
14
והיה הנער אשר אמר אליה הטי נא כדך ואשתה ואמרה שתה וגם גמליך אשקה אתה הכחת לעבדך ליצחק ובה אדע כי עשית חסד עם אדני׃
15
ויהי הוא טרם כלה לדבר והנה רבקה יצאת אשר ילדה לבתואל בן מלכה אשת נחור אחי אברהם וכדה על שכמה׃
16
והנער טבת מראה מאד בתולה ואיש לא ידעה ותרד העינה ותמלא כדה ותעל׃
17
וירץ העבד לקראתה ויאמר הגמיאיני נא מעט מים מכדך׃
18
ותאמר שתה אדני ותמהר ותרד כדה על ידה ותשקהו׃
19
ותכל להשקתו ותאמר גם לגמליך אשאב עד אם כלו לשתת׃
20
ותמהר ותער כדה אל השקת ותרץ עוד אל הבאר לשאב ותשאב לכל גמליו׃
Génèse 29:6-10
6
ויאמר להם השלום לו ויאמרו שלום והנה רחל בתו באה עם הצאן׃
7
ויאמר הן עוד היום גדול לא עת האסף המקנה השקו הצאן ולכו רעו׃
8
ויאמרו לא נוכל עד אשר יאספו כל העדרים וגללו את האבן מעל פי הבאר והשקינו הצאן׃
9
עודנו מדבר עמם ורחל באה עם הצאן אשר לאביה כי רעה הוא׃
10
ויהי כאשר ראה יעקב את רחל בת לבן אחי אמו ואת צאן לבן אחי אמו ויגש יעקב ויגל את האבן מעל פי הבאר וישק את צאן לבן אחי אמו׃
1 Samuel 9:11
המה עלים במעלה העיר והמה מצאו נערות יצאות לשאב מים ויאמרו להן היש בזה הראה׃