ולכהן מדין שבע בנות ותבאנה ותדלנה ותמלאנה את הרהטים להשקות צאן אביהן׃

ויואל משה לשבת את האיש ויתן את צפרה בתו למשה׃

ומשה היה רעה את צאן יתרו חתנו כהן מדין וינהג את הצאן אחר המדבר ויבא אל הר האלהים חרבה׃

וילך משה וישב אל יתר חתנו ויאמר לו אלכה נא ואשובה אל אחי אשר במצרים ואראה העודם חיים ויאמר יתרו למשה לך לשלום׃

ויאמר משה לחבב בן רעואל המדיני חתן משה נסעים אנחנו אל המקום אשר אמר יהוה אתו אתן לכם לכה אתנו והטבנו לך כי יהוה דבר טוב על ישראל׃

וחבר הקיני נפרד מקין מבני חבב חתן משה ויט אהלו עד אלון בצענים אשר את קדש׃

ביהוה תתהלל נפשי ישמעו ענוים וישמחו׃

למנצח לבני קרח משכיל אלהים באזנינו שמענו אבותינו ספרו לנו פעל פעלת בימיהם בימי קדם׃

אתה האל עשה פלא הודעת בעמים עזך׃

גאלת בזרוע עמך בני יעקב ויוסף סלה׃

לא נכחד מבניהם לדור אחרון מספרים תהלות יהוה ועזוזו ונפלאותיו אשר עשה׃

זכרו נפלאותיו אשר עשה מפתיו ומשפטי פיו׃

ויוצא עמו בששון ברנה את בחיריו׃

מי ימלל גבורות יהוה ישמיע כל תהלתו׃

ויושיעם למען שמו להודיע את גבורתו׃

והיתה לי לשם ששון לתהלה ולתפארת לכל גויי הארץ אשר ישמעו את כל הטובה אשר אנכי עשה אתם ופחדו ורגזו על כל הטובה ועל כל השלום אשר אנכי עשה לה׃

כה אמר יהוה צבאות בימים ההמה אשר יחזיקו עשרה אנשים מכל לשנות הגוים והחזיקו בכנף איש יהודי לאמר נלכה עמכם כי שמענו אלהים עמכם׃

רק זאת בלבד שמעו כי האיש ההוא אשר היה רדף אתנו מאז עתה הוא מבשר את האמונה אשר האבידה מלפנים׃

ויהללו בי את האלהים׃

הוא משה אשר כחשו בו לאמר מי שמך לשר ושפט אתו שלח האלהים לשר וגאל ביד המלאך הנראה אליו בסנה׃

והוא הוציאם ויעש אתות ומפתים בארץ מצרים ובים סוף ובמדבר ארבעים שנה׃

ובבאם שמה הקהילו את העדה ויגידו את כל אשר עשה אתם האלהים ואת אשר פתח לגוים פתח האמונה׃

ויחרישו כל הקהל וישמעו אל בר נבא ואל פולוס מספרים את האתות והמופתים אשר הרבה האלהים לעשות על ידיהם בקרב הגוים׃

וישאלם לשלום ויספר אחת לאחת את אשר עשה האלהים לגוים בשרותו׃

וישמעו ויהללו את האלהים ויאמרו אליו הנך ראה אחינו כמה רבבות יהודים באו להאמין וכלם מקנאים לתורה׃

כי לא אעז פני לדבר דבר זולתי אשר עשה המשיח בידי למען הטות באמר ובמעשה את לב הגוים לסור למשמעתו׃

ויאמר יהוה אל משה ראה נתתיך אלהים לפרעה ואהרן אחיך יהיה נביאך׃

ואני אקשה את לב פרעה והרביתי את אתתי ואת מופתי בארץ מצרים׃

וידעו מצרים כי אני יהוה בנטתי את ידי על מצרים והוצאתי את בני ישראל מתוכם׃

ומשה בן שמנים שנה ואהרן בן שלש ושמנים שנה בדברם אל פרעה׃

כי ידבר אלכם פרעה לאמר תנו לכם מופת ואמרת אל אהרן קח את מטך והשלך לפני פרעה יהי לתנין׃

ויקרא גם פרעה לחכמים ולמכשפים ויעשו גם הם חרטמי מצרים בלהטיהם כן׃

ויחזק לב פרעה ולא שמע אלהם כאשר דבר יהוה׃

לך אל פרעה בבקר הנה יצא המימה ונצבת לקראתו על שפת היאר והמטה אשר נהפך לנחש תקח בידך׃

כי שמענו את אשר הוביש יהוה את מי ים סוף מפניכם בצאתכם ממצרים ואשר עשיתם לשני מלכי האמרי אשר בעבר הירדן לסיחן ולעוג אשר החרמתם אותם׃

ויאמרו אליו מארץ רחוקה מאד באו עבדיך לשם יהוה אלהיך כי שמענו שמעו ואת כל אשר עשה במצרים׃

ותתן אתת ומפתים בפרעה ובכל עבדיו ובכל עם ארצו כי ידעת כי הזידו עליהם ותעש לך שם כהיום הזה׃

והים בקעת לפניהם ויעברו בתוך הים ביבשה ואת רדפיהם השלכת במצולת כמו אבן במים עזים׃

אתה האל עשה פלא הודעת בעמים עזך׃

גאלת בזרוע עמך בני יעקב ויוסף סלה׃

יפלס נתיב לאפו לא חשך ממות נפשם וחיתם לדבר הסגיר׃

ויסע כצאן עמו וינהגם כעדר במדבר׃

ויך כל בכור בארצם ראשית לכל אונם׃

שמח מצרים בצאתם כי נפל פחדם עליהם׃

שאל ויבא שלו ולחם שמים ישביעם׃

ויושיעם למען שמו להודיע את גבורתו׃

ויושיעם מיד שונא ויגאלם מיד אויב׃

למכה מצרים בבכוריהם כי לעולם חסדו׃

ביד חזקה ובזרוע נטויה כי לעולם חסדו׃

והעביר ישראל בתוכו כי לעולם חסדו׃

למוליך עמו במדבר כי לעולם חסדו׃

ויזכר ימי עולם משה עמו איה המעלם מים את רעי צאנו איה השם בקרבו את רוח קדשו׃

מוליכם בתהמות כסוס במדבר לא יכשלו׃