מי כמכה באלם יהוה מי כמכה נאדר בקדש נורא תהלת עשה פלא׃

לך יהוה הגדלה והגבורה והתפארת והנצח וההוד כי כל בשמים ובארץ לך יהוה הממלכה והמתנשא לכל לראש׃

והעשר והכבוד מלפניך ואתה מושל בכל ובידך כח וגבורה ובידך לגדל ולחזק לכל׃

הפלה חסדיך מושיע חוסים ממתקוממים בימינך׃

כי לא בחרבם ירשו ארץ וזרועם לא הושיעה למו כי ימינך וזרועך ואור פניך כי רציתם׃

למען יחלצון ידידיך הושיעה ימינך ועננו׃

למה תשיב ידך וימינך מקרב חוקך כלה׃

ואמר חלותי היא שנות ימין עליון׃

יהוה אלהי צבאות מי כמוך חסין יה ואמונתך סביבותיך׃

אתה דכאת כחלל רהב בזרוע עזך פזרת אויביך׃

צפון וימין אתה בראתם תבור וחרמון בשמך ירננו׃

מזמור שירו ליהוה שיר חדש כי נפלאות עשה הושיעה לו ימינו וזרוע קדשו׃

קול רנה וישועה באהלי צדיקים ימין יהוה עשה חיל׃

ימין יהוה רוממה ימין יהוה עשה חיל׃

עורי עורי לבשי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃

חשף יהוה את זרוע קדשו לעיני כל הגוים וראו כל אפסי ארץ את ישועת אלהינו׃

ואל תביאנו לידי נסיון כי אם חלצנו מן הרע כי לך הממלכה והגבורה והתפארת לעולמי עולמים אמן׃

תרעם בשבט ברזל ככלי יוצר תנפצם׃

ושברה כשבר נבל יוצרים כתות לא יחמל ולא ימצא במכתתו חרש לחתות אש מיקוד ולחשף מים מגבא׃

ונפצתים איש אל אחיו והאבות והבנים יחדו נאם יהוה לא אחמול ולא אחוס ולא ארחם מהשחיתם׃

ורעם בשבט ברזל ככלי יוצר ינפצו כאשר קבלתי גם אנכי מאת אבי׃