Juges 4:4
ודבורה אשה נביאה אשת לפידות היא שפטה את ישראל בעת ההיא׃
1 Samuel 10:5
אחר כן תבוא גבעת האלהים אשר שם נצבי פלשתים ויהי כבאך שם העיר ופגעת חבל נביאים ירדים מהבמה ולפניהם נבל ותף וחליל וכנור והמה מתנבאים׃
2 Rois 22:14
וילך חלקיהו הכהן ואחיקם ועכבור ושפן ועשיה אל חלדה הנביאה אשת שלם בן תקוה בן חרחס שמר הבגדים והיא ישבת בירושלם במשנה וידברו אליה׃
Luc 2:36
ותהי שם חנה אשה נביאה בת פנואל משבט אשר והיא באה בימים וחיתה עם בעלה שבע שנים אחרי בתוליה׃
Actes 21:9
ולו היו ארבע בנות בתולות מתנבאות׃
1 Corinthiens 11:5
וכל אשה אשר תתפלל או תתנבא וראשה פרוע מבזה היא את ראשה יען בזה היא כמו מגלחה׃
1 Corinthiens 14:34
נשיכם בכנסיות תשתקנה כי לא נתנה להן רשות לדבר כי אם להכנע כאשר גם אמרה התורה׃
Exode 2:4
ותתצב אחתו מרחק לדעה מה יעשה לו׃
Nombres 12:1
ותדבר מרים ואהרן במשה על אדות האשה הכשית אשר לקח כי אשה כשית לקח׃
Nombres 20:1
ויבאו בני ישראל כל העדה מדבר צן בחדש הראשון וישב העם בקדש ותמת שם מרים ותקבר שם׃
Nombres 26:59
ושם אשת עמרם יוכבד בת לוי אשר ילדה אתה ללוי במצרים ותלד לעמרם את אהרן ואת משה ואת מרים אחתם׃
Michée 6:4
כי העלתיך מארץ מצרים ומבית עבדים פדיתיך ואשלח לפניך את משה אהרן ומרים׃
Juges 11:34
ויבא יפתח המצפה אל ביתו והנה בתו יצאת לקראתו בתפים ובמחלות ורק היא יחידה אין לו ממנו בן או בת׃
Juges 21:21
וראיתם והנה אם יצאו בנות שילו לחול במחלות ויצאתם מן הכרמים וחטפתם לכם איש אשתו מבנות שילו והלכתם ארץ בנימן׃
1 Samuel 18:6
ויהי בבואם בשוב דוד מהכות את הפלשתי ותצאנה הנשים מכל ערי ישראל לשור והמחלות לקראת שאול המלך בתפים בשמחה ובשלשים׃
2 Samuel 6:5
ודוד וכל בית ישראל משחקים לפני יהוה בכל עצי ברושים ובכנרות ובנבלים ובתפים ובמנענעים ובצלצלים׃
2 Samuel 6:14
ודוד מכרכר בכל עז לפני יהוה ודוד חגור אפוד בד׃
2 Samuel 6:16
והיה ארון יהוה בא עיר דוד ומיכל בת שאול נשקפה בעד החלון ותרא את המלך דוד מפזז ומכרכר לפני יהוה ותבז לו בלבה׃
Psaumes 68:11
אדני יתן אמר המבשרות צבא רב׃
Psaumes 68:25
קדמו שרים אחר נגנים בתוך עלמות תופפות׃
Psaumes 81:2
שאו זמרה ותנו תף כנור נעים עם נבל׃
Psaumes 149:3
יהללו שמו במחול בתף וכנור יזמרו לו׃
Psaumes 150:4
הללוהו בתף ומחול הללוהו במנים ועוגב׃