ויהם יהוה את סיסרא ואת כל הרכב ואת כל המחנה לפי חרב לפני ברק וירד סיסרא מעל המרכבה וינס ברגליו׃

משבית מלחמות עד קצה הארץ קשת ישבר וקצץ חנית עגלות ישרף באש׃

מגערתך אלהי יעקב נרדם ורכב וסוס׃

ונפצתי בך סוס ורכבו ונפצתי בך רכב ורכבו׃

ועיני רשעים תכלינה ומנוס אבד מנהם ותקותם מפח נפש׃

יברח מנשק ברזל תחלפהו קשת נחושה׃

וישלך עליו ולא יחמל מידו ברוח יברח׃

מלכי צבאות ידדון ידדון ונות בית תחלק שלל׃

והצתי אש בחומת רבה ואכלה ארמנותיה בתרועה ביום מלחמה בסער ביום סופה׃

כאשר ינוס איש מפני הארי ופגעו הדב ובא הבית וסמך ידו על הקיר ונשכו הנחש׃

ראיתי את אדני נצב על המזבח ויאמר הך הכפתור וירעשו הספים ובצעם בראש כלם ואחריתם בחרב אהרג לא ינוס להם נס ולא ימלט להם פליט׃

יהוה ילחם לכם ואתם תחרישון׃

לא תיראום כי יהוה אלהיכם הוא הנלחם לכם׃

ויראו הפלשתים כי אמרו בא אלהים אל המחנה ויאמרו אוי לנו כי לא היתה כזאת אתמול שלשם׃

אוי לנו מי יצילנו מיד האלהים האדירים האלה אלה הם האלהים המכים את מצרים בכל מכה במדבר׃