ונתתי את חן העם הזה בעיני מצרים והיה כי תלכון לא תלכו ריקם׃

ויהוה נתן את חן העם בעיני מצרים וישאלום וינצלו את מצרים׃

ויהי יהוה את יוסף ויט אליו חסד ויתן חנו בעיני שר בית הסהר׃

ויתן אותם לרחמים לפני כל שוביהם׃

ואעשך לגוי גדול ואברכך ואגדלה שמך והיה ברכה׃

ואהיה עמך בכל אשר הלכת ואכרתה את כל איביך מפניך ועשתי לך שם גדול כשם הגדלים אשר בארץ׃

כי גדול מרדכי בבית המלך ושמעו הולך בכל המדינות כי האיש מרדכי הולך וגדול׃

והלכו אליך שחוח בני מעניך והשתחוו על כפות רגליך כל מנאציך וקראו לך עיר יהוה ציון קדוש ישראל׃

וילמד משה בכל חכמת מצרים ויהי גבור בדברים ובמעשים׃

הנני נתן אנשים מכנסית השטן האמרים יהודים אנחנו ואינם כי כזבים המה הנני עשה אשר יבאו להשתחות לפני רגליך וידעו כי אני אהבתיך׃