ובני שמעון ימואל וימין ואהד ויכין וצחר ושאול בן הכנענית אלה משפחת שמעון׃

ותהר לאה ותלד בן ותקרא שמו ראובן כי אמרה כי ראה יהוה בעניי כי עתה יאהבני אישי׃

ותהר עוד ותלד בן ותאמר עתה הפעם ילוה אישי אלי כי ילדתי לו שלשה בנים על כן קרא שמו לוי׃

ויחר אף יעקב ברחל ויאמר התחת אלהים אנכי אשר מנע ממך פרי בטן׃

ותתן לו את בלהה שפחתה לאשה ויבא אליה יעקב׃

ותאמר רחל דנני אלהים וגם שמע בקלי ויתן לי בן על כן קראה שמו דן׃

ותאמר רחל נפתולי אלהים נפתלתי עם אחתי גם יכלתי ותקרא שמו נפתלי׃

ותלד זלפה שפחת לאה ליעקב בן׃

ותלד זלפה שפחת לאה בן שני ליעקב׃

וילך ראובן בימי קציר חטים וימצא דודאים בשדה ויבא אתם אל לאה אמו ותאמר רחל אל לאה תני נא לי מדודאי בנך׃

ויבא יעקב מן השדה בערב ותצא לאה לקראתו ותאמר אלי תבוא כי שכר שכרתיך בדודאי בני וישכב עמה בלילה הוא׃

ותאמר לאה נתן אלהים שכרי אשר נתתי שפחתי לאישי ותקרא שמו יששכר׃

ותאמר לאה זבדני אלהים אתי זבד טוב הפעם יזבלני אישי כי ילדתי לו ששה בנים ותקרא את שמו זבלון׃

בני רחל יוסף ובנימן׃

ובני זלפה שפחת לאה גד ואשר אלה בני יעקב אשר ילד לו בפדן ארם׃

ובני ראובן חנוך ופלוא וחצרון וכרמי׃

ובני לוי גרשון קהת ומררי׃

ובני יששכר תולע ופוה ויוב ושמרון׃

אלה בני לאה אשר ילדה ליעקב בפדן ארם ואת דינה בתו כל נפש בניו ובנותיו שלשים ושלש׃

ובני אשר ימנה וישוה וישוי ובריעה ושרח אחתם ובני בריעה חבר ומלכיאל׃

בני רחל אשת יעקב יוסף ובנימן׃

ובני בנימן בלע ובכר ואשבל גרא ונעמן אחי וראש מפים וחפים וארד׃

ובני דן חשים׃

אלה בני בלהה אשר נתן לבן לרחל בתו ותלד את אלה ליעקב כל נפש שבעה׃

פחז כמים אל תותר כי עלית משכבי אביך אז חללת יצועי עלה׃

בסדם אל תבא נפשי בקהלם אל תחד כבדי כי באפם הרגו איש וברצנם עקרו שור׃

יהודה אתה יודוך אחיך ידך בערף איביך ישתחוו לך בני אביך׃

לא יסור שבט מיהודה ומחקק מבין רגליו עד כי יבא שילה ולו יקהת עמים׃

חכלילי עינים מיין ולבן שנים מחלב׃

יששכר חמר גרם רבץ בין המשפתים׃

דן ידין עמו כאחד שבטי ישראל׃

לישועתך קויתי יהוה׃

מאשר שמנה לחמו והוא יתן מעדני מלך׃

בן פרת יוסף בן פרת עלי עין בנות צעדה עלי שור׃

ותשב באיתן קשתו ויפזו זרעי ידיו מידי אביר יעקב משם רעה אבן ישראל׃

ברכת אביך גברו על ברכת הורי עד תאות גבעת עולם תהיין לראש יוסף ולקדקד נזיר אחיו׃

בני יהודה נשאי צנה ורמח ששת אלפים ושמונה מאות חלוצי צבא׃

מן בני הלוי ארבעת אלפים ושש מאות׃

וצדוק נער גבור חיל ובית אביו שרים עשרים ושנים׃

ומן בני אפרים עשרים אלף ושמונה מאות גבורי חיל אנשי שמות לבית אבותם׃

ומבני יששכר יודעי בינה לעתים לדעת מה יעשה ישראל ראשיהם מאתים וכל אחיהם על פיהם׃

ומנפתלי שרים אלף ועמהם בצנה וחנית שלשים ושבעה אלף׃

ומאשר יוצאי צבא לערך מלחמה ארבעים אלף׃

כל אלה אנשי מלחמה עדרי מערכה בלבב שלם באו חברונה להמליך את דויד על כל ישראל וגם כל שרית ישראל לב אחד להמליך את דויד׃

וגם הקרובים אליהם עד יששכר וזבלון ונפתלי מביאים לחם בחמורים ובגמלים ובפרדים ובבקר מאכל קמח דבלים וצמוקים ויין ושמן ובקר וצאן לרב כי שמחה בישראל׃

ללוי חשביה בן קמואל לאהרן צדוק׃

לזבולן ישמעיהו בן עבדיהו לנפתלי ירימות בן עזריאל׃

לחצי המנשה גלעדה ידו בן זכריהו לבנימן יעשיאל בן אבנר׃

לשבט יהודה חתומים שנים עשר אלף לשבט ראובן חתומים שנים עשר אלף לשבט גד חתומים שנים עשר אלף׃

לשבט שמעון חתומים שנים עשר אלף לשבט לוי חתומים שנים עשר אלף לשבט יששכר חתומים שנים עשר אלף׃