כי אתה תאיר נרי יהוה אלהי יגיה חשכי׃

זרח בחשך אור לישרים חנון ורחום וצדיק׃

ליהודים היתה אורה ושמחה וששן ויקר׃

ותגזר אומר ויקם לך ועל דרכיך נגה אור׃

וארח צדיקים כאור נגה הולך ואור עד נכון היום׃

קומי אורי כי בא אורך וכבוד יהוה עליך זרח׃

כי הנה החשך יכסה ארץ וערפל לאמים ועליך יזרח יהוה וכבודו עליך יראה׃

למען ציון לא אחשה ולמען ירושלם לא אשקוט עד יצא כנגה צדקה וישועתה כלפיד יבער׃

זעף יהוה אשא כי חטאתי לו עד אשר יריב ריבי ועשה משפטי יוציאני לאור אראה בצדקתו׃

אני באתי לאור אל העולם למען כל אשר יאמין בי לא ישב בחשך׃

והעיר איננה צריכה לאור השמש ולנגה הירח כי כבוד אלהים האיר לה ונרה הוא השה׃

ולילה לא יהיה עוד ולא יצטרכו עוד לאור נר ולאור שמש כי יהוה אלהים הוא יאיר להם וימלכו עד עולמי עולמים׃

הזרעים בדמעה ברנה יקצרו׃

הלוך ילך ובכה נשא משך הזרע בא יבוא ברנה נשא אלמתיו׃

הזרע בבשרו יקצר כליון משברו והזרע ברוח יקצר מן הרוח חיי עולם׃

לכן אחי דמו והוחילו עד בוא האדון הנה האכר מחכה לטוב תבואת האדמה בהוחילו כי ירד עליה גשם יורה ומלקוש׃

אחי אל תתאוננו איש על רעהו פן תשפטו הנה השופט עמד לפתח׃

הנה מאשרים אנחנו את הסבלים את סבלנות איוב שמעתכם ואת אחרית האדון ראיתם כי רחום וחנון יהוה׃