למנצח על הגתית מזמור לדוד יהוה אדנינו מה אדיר שמך בכל הארץ אשר תנה הודך על השמים׃

למנצח מזמור לדוד השמים מספרים כבוד אל ומעשה ידיו מגיד הרקיע׃

כן בקדש חזיתיך לראות עזך וכבודך׃

כי טוב חסדך מחיים שפתי ישבחונך׃

יהוה מלך גאות לבש לבש יהוה עז התאזר אף תכון תבל בל תמוט׃

ברכי נפשי את יהוה יהוה אלהי גדלת מאד הוד והדר לבשת׃

והוא זהר כבודו וצלם ישותו ונושא כל בדבר גבורתו ואחרי עשתו בנפשו טהרת חטאתינו ישב לימין הגדלה במרומים׃

כי הודענו אתכם גבורת אדנינו ישוע המשיח ובאו לא בלכתנו אחרי הגדות מחכמות כי אם ראות היו עינינו את גדלתו׃

כי לקח מאת אלהים האב יקר וכבוד בבא אליו קול מתוך הדרת כבודו לאמר זה בני ידידי רצתה נפשי בו׃

אחת שאלתי מאת יהוה אותה אבקש שבתי בבית יהוה כל ימי חיי לחזות בנעם יהוה ולבקר בהיכלו׃

מזמור לדוד הבו ליהוה בני אלים הבו ליהוה כבוד ועז׃

הבו ליהוה כבוד שמו השתחוו ליהוה בהדרת קדש׃

קול יהוה יחולל אילות ויחשף יערות ובהיכלו כלו אמר כבוד׃

מציון מכלל יפי אלהים הופיע׃

הוד והדר לפניו עז וחדוה במקמו׃