תאות לבו נתתה לו וארשת שפתיו בל מנעת סלה׃

אם יחלף ויסגיר ויקהיל ומי ישיבנו׃

כל אשר חפץ יהוה עשה בשמים ובארץ בימים וכל תהומות׃

מכין הרים בכחו נאזר בגבורה׃

הרים כדונג נמסו מלפני יהוה מלפני אדון כל הארץ׃

המעתיק הרים ולא ידעו אשר הפכם באפו׃

ונמסו ההרים תחתיו והעמקים יתבקעו כדונג מפני האש כמים מגרים במורד׃

הרים רעשו ממנו והגבעות התמגגו ותשא הארץ מפניו ותבל וכל ישבי בה׃

עמד וימדד ארץ ראה ויתר גוים ויתפצצו הררי עד שחו גבעות עולם הליכות עולם לו׃

ראוך יחילו הרים זרם מים עבר נתן תהום קולו רום ידיהו נשא׃