טרם אענה אני שגג ועתה אמרתך שמרתי׃

טוב לי כי עניתי למען אלמד חקיך׃

הנה אשרי אנוש יוכחנו אלוה ומוסר שדי אל תמאס׃

מוסר יהוה בני אל תמאס ואל תקץ בתוכחתו׃

וכאשר נדון נוסר על יד האדון למען לא נחיב עם העולם׃

ותשכחו דבר הנחומים המדבר אליכם כמו אל בנים לאמר מוסר יהוה בני אל תמאס ואל תקץ בתוכחתו׃

אם סבלים אתם מוסר דעו כי כאב עם בניו כן מתנהג אלהים עמכם כי איה הבן אשר אביו לא ייסרנו׃

ועוד אם אבות בשרנו היו מיסרים אתנו ונירא מהם אף כי נכנע לפני אבי הרוחות ונחיה׃

וכל מוסר בעת עברו עלינו איננו שמחה בעינינו כי אם יגון אולם באחריתו יתן פרי שלום לצדקה למלמדים בו׃

אז יגלה אזן אנשים ובמסרם יחתם׃

יחשך נפשו מני שחת וחיתו מעבר בשלח׃

וזהמתו חיתו לחם ונפשו מאכל תאוה׃

ותקרב לשחת נפשו וחיתו לממתים׃

ויחננו ויאמר פדעהו מרדת שחת מצאתי כפר׃

קול יהוה לעיר יקרא ותושיה יראה שמך שמעו מטה ומי יעדה׃

]12-02[ אני את כל אשר אהב אוכיחם ואיסרם לכן תשקד ותשוב, הנני עמד לפתח ודפק והיה כי ישמע איש לקולי ופתח הפתח אבוא אליו לסעוד עמו והוא עמדי׃