כי יראה חכמים ימותו יחד כסיל ובער יאבדו ועזבו לאחרים חילם׃

ואדם ביקר בל ילין נמשל כבהמות נדמו׃

כי הוא ידע מתי שוא וירא און ולא יתבונן׃

ואיש נבוב ילבב ועיר פרא אדם יולד׃

יען בדעתם את האלהים לא כבדהו כאלהים וגם לא הודו לו כי אם הלכו אחרי ההבל במועצותיהם ויחשך לבם הנבער׃

ובאמרם חכמים אנחנו היו לכסילים׃

כי כן כתוב אאבד חכמת חכמים ובינת נבונים אסתיר׃

כי אחרי אשר בחכמת האלהים לא ידע העולם את האלהים בחכמה היה רצון לפניו להושיע בסכלות הקריאה את המאמינים׃

יען כי סכלות האל חכמה היא מאדם וחלשת האל חזקה היא מאדם׃