רבות עשית אתה יהוה אלהי נפלאתיך ומחשבתיך אלינו אין ערך אליך אגידה ואדברה עצמו מספר׃

אמרו לאלהים מה נורא מעשיך ברב עזך יכחשו לך איביך׃

מה רבו מעשיך יהוה כלם בחכמה עשית מלאה הארץ קנינך׃

גדלים מעשי יהוה דרושים לכל חפציהם׃

גדול יהוה ומהלל מאד ולגדלתו אין חקר׃

דור לדור ישבח מעשיך וגבורתיך יגידו׃

וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים׃

ולי מה יקרו רעיך אל מה עצמו ראשיהם׃

גם זאת מעם יהוה צבאות יצאה הפליא עצה הגדיל תושיה׃

כי לא מחשבותי מחשבותיכם ולא דרכיכם דרכי נאם יהוה׃

כי גבהו שמים מארץ כן גבהו דרכי מדרכיכם ומחשבתי ממחשבתיכם׃

לא ישוב אף יהוה עד עשתו ועד הקימו מזמות לבו באחרית הימים תתבוננו בה בינה׃

מה עמק עשר חכמת אלהים ועשר דעתו משפטיו מי יחקר ודרכיו מי ימצא׃

כי מי תכן את רוח יהוה ואיש עצתו יודיענו׃

יחפשו עולת תמנו חפש מחפש וקרב איש ולב עמק׃

רחוק מה שהיה ועמק עמק מי ימצאנו׃

ולנו גלה האלהים ברוחו כי הרוח חוקר את הכל גם את מעמקי האלהים׃