לא אירא מרבבות עם אשר סביב שתו עלי׃

לדוד יהוה אורי וישעי ממי אירא יהוה מעוז חיי ממי אפחד׃

אם תחנה עלי מחנה לא יירא לבי אם תקום עלי מלחמה בזאת אני בוטח׃

על כן לא נירא בהמיר ארץ ובמוט הרים בלב ימים׃

משמועה רעה לא יירא נכון לבו בטח ביהוה׃

בשש צרות יצילך ובשבע לא יגע בך רע׃

בשוט לשון תחבא ולא תירא משד כי יבוא׃

כי עם אבני השדה בריתך וחית השדה השלמה לך׃

וידעת כי רב זרעך וצאצאיך כעשב הארץ׃

הנה זאת חקרנוה כן היא שמענה ואתה דע לך׃

נסו ואין רדף רשע וצדיקים ככפיר יבטח׃

כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך׃

ויאמר אליהם קטני האמונה למה זה יראתם ויקם ויגער ברוחות ובים ותהי דממה גדולה׃

על כן נבטח ונאמר יהוה לי בעזרי לא אירא מה יעשה לי אדם׃

אני שכבתי ואישנה הקיצותי כי יהוה יסמכני׃

ואדני השמיע את מחנה ארם קול רכב קול סוס קול חיל גדול ויאמרו איש אל אחיו הנה שכר עלינו מלך ישראל את מלכי החתים ואת מלכי מצרים לבוא עלינו׃

בשעפים מחזינות לילה בנפל תרדמה על אנשים׃

ורוח על פני יחלף תסמר שערת בשרי׃

לאור יקום רוצח יקטל עני ואביון ובלילה יהי כגנב׃

חתר בחשך בתים יומם חתמו למו לא ידעו אור׃

אז תלך לבטח דרכך ורגלך לא תגוף׃

אל תירא מפחד פתאם ומשאת רשעים כי תבא׃

תעה לבבי פלצות בעתתני את נשף חשקי שם לי לחרדה׃

והאלהים אמר לו אתה הכסיל בעצם הלילה הזה ידרשו ממך את נפשך ואשר הכינות לך למי יהיה׃

וזאת דעו אשר אם ידע ידע בעל הבית באי זו שעה יבוא הגנב כי עתה שקד שקוד ולא יתן לחתר את ביתו׃

כי חצי שדי עמדי אשר חמתם שתה רוחי בעותי אלוה יערכוני׃

דרך קשתו ויציבני כמטרא לחץ׃

הביא בכליותי בני אשפתו׃