מה יקר חסדך אלהים ובני אדם בצל כנפיך יחסיון׃

ירוין מדשן ביתך ונחל עדניך תשקם׃

כי טוב חסדך מחיים שפתי ישבחונך׃

כמו חלב ודשן תשבע נפשי ושפתי רננות יהלל פי׃

אשרי תבחר ותקרב ישכן חצריך נשבעה בטוב ביתך קדש היכלך׃

הסלח לכל עונכי הרפא לכל תחלאיכי׃

המשביע בטוב עדיך תתחדש כנשר נעוריכי׃

כה אמר יהוה קול ברמה נשמע נהי בכי תמרורים רחל מבכה על בניה מאנה להנחם על בניה כי איננו׃

כי מה טובו ומה יפיו דגן בחורים ותירוש ינובב בתלות׃

אך טוב וחסד ירדפוני כל ימי חיי ושבתי בבית יהוה לארך ימים׃

הלא אתה תשוב תחינו ועמך ישמחו בך׃

שמח נפש עבדך כי אליך אדני נפשי אשא׃

ישמח ישראל בעשיו בני ציון יגילו במלכם׃

שמחו באדנינו בכל עת ועוד הפעם אמר אני שמחו׃